കോഴിക്കോട്: അറബിക്കടലില് ലക്ഷദ്വീപ് മേഖലയില് രൂപംകൊണ്ട 'മഹ' ചുഴലിക്കാറ്റ് കേരളതീരം വിട്ടു.
കേരളത്തില് പൊതുവെ മഴ കുറയുമെന്നാണ് സ്വകാര്യ കാലാവസ്ഥ നിരീക്ഷണ കേന്ദ്രങ്ങള് ഇപ്പോൾ അറിയിക്കുന്നത്. കേരള തീരത്ത് കാറ്റിന്റെ ഗതി വഴി മാറിയിട്ടുണ്ട്. ഇത് മേഘങ്ങള് പ്രവേശിക്കുന്നതിന് തടസ്സമാകും.
അതേ സമയം കേരളത്തിലെ തീരമേഖലയിലും മലയോരമേഖലയിലും ചിലനേരങ്ങളില് ശക്തമായ കാറ്റുവീശാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രങ്ങള് പറയുന്നു.കോഴിക്കോട്, കണ്ണൂര്, കാസര്കോട് ജില്ലകളില് ഓറഞ്ച് ജാഗ്രതയും അതിതീവ്രമഴയ്ക്ക് സാധ്യതയുള്ള ലക്ഷദ്വീപില് ചുവപ്പ് ജാഗ്രതയും നല്കിയിട്ടുണ്ട്.
