ബംഗളുരു: കര്ണ്ണാടകയില് കോണ്ഗ്രസ്സിന്റെ അംഗബലം കുറയുന്നു. രണ്ട് കോണ്ഗ്രസ്സ് എംഎല്എമാര് സത്യപ്രതിഞ്ജയ്ക്ക് എത്തിയില്ല. കോണ്ഗ്രസിന്റെ ആനന്ദ് സിങ്ങും പ്രതാപ് ഗൗഡ പാട്ടീലുമാണ് സഭയില് എത്താഞ്ഞത്.
ഇതില് ആനന്ദ് സിങ് ബിജെപി പക്ഷത്തേക്ക് കൂറുമാറിയെന്ന് നേരത്തെ തന്നെ വാര്ത്തകളുണ്ടായിരുന്നു. തെരഞ്ഞെടുപ്പ് ഫലപ്രഖ്യാപനത്തിന് ശേഷം അദ്ദേഹവുമായി ആര്ക്കും ബന്ധപ്പെടാനും കഴിഞ്ഞിട്ടില്ല. രണ്ട് പേരും വിട്ടുനില്ക്കുന്നതോടെ സഭയിലെ അംഗസംഖ്യ 219 ആയി കുറയും. എന്നാല് ആറ് ബിജെപി എംഎല്എമാര് തങ്ങള്ക്കൊപ്പമെന്ന് ജെഡിഎസും വ്യക്തമാക്കി.
