തിരുവനന്തപുരം: തമിഴ്നാട്ടിലെ ഗജ കൊടുങ്കാറ്റ് ബാധിതര്ക്ക് സഹായഹസ്തവുമായി കേരളം. ദുരിതാശ്വാസ ക്യാമ്ബുകളിലേക്ക് സംസ്ഥാനം അവശ്യ സാധനങ്ങള് അയയ്ക്കും.
കേരള സംസ്ഥാന ദുരന്തനിവാരണ അതോറിറ്റി, ആലപ്പുഴ, എറണാകുളം, കോഴിക്കോട് ജില്ലകളിലെ ദുരന്തനിവാരണ അതോറിറ്റികള് എന്നിവ ചേര്ന്ന് കുടിവെള്ളം, ടോര്പോളിന്, മെഴുകുതിരി, ഉണങ്ങിയ പഴങ്ങള്, വസ്ത്രങ്ങള് എന്നിവ തിരുവാരൂര്, നാഗപട്ടണം ജില്ലകളിലെ ദുരന്തബാധിതര്ക്ക് ലഭ്യമാക്കും. തമിഴ്നാട് ദുരന്തനിവാരണ അതോറിറ്റിയുമായി ഇതു സംബന്ധിച്ച് ആശയവിനിമയം നടത്തിയതായി മുഖ്യമന്ത്രിയുടെ ഓഫീസ് അറിയിച്ചു.
