ന്യൂഡല്ഹി: ഡല്ഹിയില് ആംബുലന്സിനു തീപിടിച്ച് രണ്ടു പേര് വെന്തുമരിച്ചു. ശക്തമായ പൊടക്കാറ്റ് ഉണ്ടായ സമയത്താണ് ആംബുലന്സിനു തീപിടിച്ചത്. പാര്ക്ക് ചെയ്തിരുന്ന ആംബുലന്സില് ഉറങ്ങുകയായിരുന്നവരാണ് അപകടത്തില്പെട്ടത്. ഉത്തര്പ്രദേശ് സ്വദേശിയായ രാഹുല് (24), കാണ്പുര് സ്വദേശിയായ ഗുഡു (25) എന്നിവരാണ് മരിച്ചത്.
സുബോധ് കുമാര് (40) എന്ന ആളാണ് രക്ഷപെട്ടത്. ഇയാള്ക്ക് 90 ശതമാനം പൊള്ളലേറ്റിട്ടുണ്ട്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു. തിങ്കളാഴ്ച രാത്രി ഷെയ്ക്ക് സരാരിയയിലായിരുന്നു സംഭവം. ഒരാള് ഗുരുതര പൊള്ളലോടെ രക്ഷപെട്ടു. രണ്ട് ആംബുലന്സുകള്ക്കു നടുവിലായാണ് അപകടം നടന്ന ആംബുലന്സ് കിടന്നിരുന്നത്. മറ്റു രണ്ട് ആംബുലന്സുകളിലും തീപിടിച്ചു.
