മരിക്കുന്നതിനു മുമ്പ് രതീഷ് നാലാംപ്രതി ശ്രീരാഗിനൊപ്പം  

379 0

കണ്ണൂര്‍ : മന്‍സൂര്‍ കൊലക്കേസിലെ രണ്ടാം പ്രതി രതീഷിന്റെ മരണം കൊലപാതകമാണെന്ന സംശയം ശക്തമാകുന്നു. മരിക്കുന്നതിന് മണിക്കൂറുകള്‍ക്കു മുമ്പുവരെയും രതീഷ് മറ്റു പ്രതികള്‍ക്കൊപ്പമായിരുന്നെന്നു മൊബൈല്‍ ഫോണ്‍ നമ്പര്‍ കേന്ദ്രീകരിച്ചുള്ള പരിശോധനയില്‍ കണ്ടെത്തി. ഏറെ സമയവും നാലാം പ്രതി ശ്രീരാഗാണ് രതീഷിനൊപ്പം ഉണ്ടായിരുന്നതെന്നും മറ്റു ചില പ്രതികളും സി.പി.എമ്മിന്റെ ശക്തികേന്ദ്രമായ ചെക്യാട് ഭാഗത്തുതന്നെയാണ് ഉണ്ടായിരുന്നതെന്നും വ്യക്തമായി.

വെള്ളിയാഴ്ച്ച വൈകിട്ട് നാലോടെയാണ് സി.പി.എം പുല്ലൂക്കര ബ്രാഞ്ച് കമ്മിറ്റിയംഗമായ രതീഷിനെ (36) വളയം കിഴക്കേച്ചാലിലെ കശുമാവിന്‍ തോട്ടത്തില്‍ തൂങ്ങിമരിച്ച നിലയില്‍ കണ്ടെത്തിയത്. ആന്തരാവയവങ്ങള്‍ക്കു ക്ഷതമേറ്റിരുന്നെന്നും ശ്വാസംമുട്ടിച്ചതിന്റെ ലക്ഷണങ്ങളുണ്ടെന്നുമുള്ള പോസ്റ്റ്മോര്‍ട്ടം റിപ്പോര്‍ട്ട് പുറത്തുവന്നതോടെ കേസിന്റെയും അന്വേഷണത്തിന്റെയും ഗതി മാറി.

ശ്രീരാഗാണു കൂടുതല്‍ സമയവും രതീഷിനൊപ്പമുണ്ടായിരുന്നത്. മറ്റ് പ്രതികള്‍ സുരക്ഷിതമായ മറ്റിടങ്ങളിലേക്കു നീങ്ങിയിരിക്കാമെന്നാണു നിഗമനം. രതീഷിന്റെ മൃതദേഹത്തിനു സമീപത്തുനിന്നു ചില മൊബൈല്‍ നമ്പറുകളെഴുതിയ പേപ്പര്‍ ലഭിച്ചിരുന്നു. ഈ നമ്പറുകളും രതീഷിന്റെയും മറ്റു പ്രതികളുടെയും മൊബൈല്‍ നമ്പറിലേക്കു വന്ന കോളുകളും സൈബര്‍ പോലീസ് പരിശോധിച്ചു.

രണ്ടായിരത്തോളം കോളുകള്‍ പരിശോധിച്ചതില്‍ നിന്നാണ് പ്രതികളുടെ ടവര്‍ ലൊക്കേഷന്‍ ഒന്നായിരുന്നെന്നു സ്ഥിരീകരിച്ചത്. രതീഷിന്റെ മൃതദേഹം കണ്ടെത്തിയ വളയം പ്രദേശത്ത് വടകര റൂറല്‍ എസ്.പി. ഡോ. ശ്രീനിവാസും ക്രൈംബ്രാഞ്ച് ഡിവൈ.എസ്.പി. ഷാജ് സി. ജോസും പരിശോധന നടത്തി.
അതിനിടെ, മന്‍സൂര്‍ കൊലക്കേസില്‍ ക്രൈംബ്രാഞ്ച് ഐ.ജി സ്പര്‍ജന്‍ കുമാറിന്റെ നേതൃത്വത്തില്‍ ഇന്നലെ കേസില്‍ കൂടുതല്‍ പേരുടെ മൊഴി രേഖപ്പെടുത്തി.

Related Post

സ്ഥാനാര്‍ത്ഥിയാക്കിയാല്‍ നാളെ പ്രചാരണം തുടങ്ങും; തീരുമാനം ഹൈക്കമാന്‍ഡിന്റേതെന്ന് മുരളീധരന്‍  

Posted by - Mar 14, 2021, 06:15 pm IST 0
കോഴിക്കോട്: നേമത്ത് സ്ഥാനാര്‍ത്ഥി ആക്കുമോ എന്ന് ഹൈക്കമാന്‍ഡ് തീരുമാനിക്കുമെന്ന് കെ മുരളീധരന്‍. നേമത്ത് യുഡിഎഫിന് വിജയിക്കാന്‍ കഴിയുമെന്നും കോണ്‍ഗ്രസിന്റെ സ്ഥാനാര്‍ത്ഥിയെങ്കില്‍ പൂര്‍ണ്ണ വിജയമായിരിക്കുമെന്നും മുരളീധരന്‍ കോഴിക്കോട് പറഞ്ഞു.…

ലതികയുടെ തലമുണ്ഡനം ഗൂഢാലോചന; തിരക്കഥ സിപിഎമ്മിന്റേത്: മുല്ലപ്പള്ളി  

Posted by - Mar 16, 2021, 12:49 pm IST 0
തിരുവനന്തപുരം: സ്ഥാനാര്‍ത്ഥിത്വം നിഷേധിക്കപ്പെട്ടതിനെ തുടര്‍ന്ന് തലമുണ്ഡനം ചെയ്ത് പ്രതിഷേധിച്ച ലതികാ സുഭാഷിന്റെ നടപടിക്ക് പിന്നില്‍ ഗൂഢാലോചന ആരോപിച്ച് കെപിസിസി അധ്യക്ഷന്‍ മുല്ലപ്പള്ളി. ലതികാ സുഭാഷ് കെപിസിസിക്ക് മുന്നിലെത്തിയത്…

ശ്രീ പദ്മനാഭ സ്വാമി ക്ഷേത്രത്തില്‍ ഇന്ന് ലക്ഷദീപം തെളിയും

Posted by - Jan 15, 2020, 09:40 am IST 0
തിരുവനന്തപുരം: ശ്രീ പദ്മനാഭ സ്വാമി ക്ഷേത്രത്തില്‍ മുറജപത്തിന് അവസാനം കുറിച്ച് ഇന്ന് ലക്ഷദീപം  തെളിയും . ആറ് വര്‍ഷത്തിലൊരിക്കല്‍ മാത്രം കാണാനാകുന്ന ലക്ഷദീപത്തിനായി വന്‍ സജ്ജീകരണങ്ങളാണ് ഒരുക്കിയിട്ടുള്ളത്.…

ഷോളയാർ ഡാം തുറക്കാൻ തീരുമാനം : തൃശൂരിൽ റെഡ് അലേർട്ട് പ്രഖ്യാപിച്ചു 

Posted by - Sep 16, 2019, 07:51 pm IST 0
തൃശൂർ: ഷോളയാർ ഡാം ഏതു നിമിഷവും തുറക്കും. ഡാമിലെ ജലനിരപ്പ് പരമാവധി സംഭരണശേഷിയിൽ നിന്നും ഉയർന്നതിനെ തുടർന്നാണ് ഷട്ടറുകൾ തുറക്കാൻ തീരുമാനിച്ചത്. നിലവിൽ ഡാമിലെ ജലനിരപ്പ് 2661.40…

പേപ്പാറ ഡാമിന്റെ ഷട്ടറുകൾ കൂടുതൽ ഉയർത്തും

Posted by - Sep 7, 2019, 09:14 pm IST 0
തിരുവനന്തപുരം: പേപ്പാറ ഡാമിന്റെ രണ്ട് ഷട്ടറുകൾ കൂടുതൽ ഉയർത്തുമെന്ന് അധികൃതർ. ജലനിരപ്പ് ക്രമാതീതമായി ഉയർന്നുവരുന്ന  സാഹചര്യത്തിലാണ് ഡാമിന്റെ രണ്ട് ഷട്ടറുകൾ കൂടുതൽ ഉയർത്താൻ തീരുമാനിച്ചിരിക്കുന്നത്തീരുമാനിച്ചത് . ഇരു…

Leave a comment