തിരുവനന്തപുരം : കേരളത്തിലെ അഞ്ച് മണ്ഡലങ്ങളിലെ ഉപതെരഞ്ഞെടുപ്പിനുള്ള സ്ഥാനാർത്ഥികളെ ബിജെപി കേന്ദ്ര നേതൃത്വം പ്രഖ്യാപിച്ചു. വട്ടിയൂർക്കാവിൽ എസ്. സുരേഷാണ് സ്ഥാനാർഥി. ബിജെപി തിരുവനന്തപുരം ജില്ലാ പ്രസിഡന്റാണ് സുരേഷ്.
തെരഞ്ഞെടുപ്പിൽ യുവാക്കളെ പരിഗണിക്കണമെന്ന് കേന്ദ്ര നേതൃത്വത്തിന്റെ നിർദ്ദേശം കണക്കിലെടുത്താണ് സുരേഷിനെ സ്ഥാനാർത്ഥിയാക്കിയത്.
കോന്നിയിൽ കെ. സുരേന്ദ്രനാണ് സ്ഥാനാർത്ഥി. എറണാകുളത്ത് സി.ജി. രാജഗോപാലും മഞ്ചേശ്വരത്ത് രവീശതന്ത്രി കുണ്ടാറും അരൂരിൽ കെ.പി. പ്രകാശ് ബാബുവും ബിജെപി സ്ഥാനാർത്ഥികളാകും. സ്ഥാനാർത്ഥിപട്ടിക ബിജെപി ഉടനെത്തന്നെ പുറത്തിറക്കും.
