തിരുവനന്തപുരം : പതിനാലാം നിയമസഭയുടെ പതിനാറാം സമ്മേളനം ആരംഭിച്ചു. പുതിയ അംഗങ്ങൾ എംഎൽഎമാരായി സത്യപ്രതിജ്ഞ ചെയ്തു.അന്തരിച്ച ഡൽഹി മുൻ മുഖ്യമന്ത്രിയും മുൻ കേരളാ ഗവർണറുമായിരുന്ന ഷീലാ ദീക്ഷിത്തിനും മുൻ മന്ത്രിയായിരുന്ന ദാമോദരൻ കാളാശ്ശേരിക്കും ആദരാഞ്ജലികൾ അർപ്പിച്ചതിന് ശേഷമാണ് സത്യപ്രതിജ്ഞ തുടങ്ങിയത്.
കെ.യു. ജനീഷ്കുമാറാണ് ആദ്യം സത്യപ്രതിജ്ഞ ചെയ്തത്. രണ്ടാമതായി എം.സി. ഖമറുദ്ദീനും തുടർന്ന് വി.കെ.പ്രശാന്തും, ഷാനിമോൾ ഉസ്മാനും, ടി.ജെ, വിനോദും സത്യപ്രതിജ്ഞ ചെയ്തു.
