Adish
കൊച്ചി: തിരുവനന്തപുരം വിമാനത്താവളം അദാനി ഗ്രൂപ്പിന് പാട്ടത്തിന് നൽകാനുള്ള കേന്ദ്രസർക്കാർ തീരുമാനം സ്റ്റേ ചെയ്യണമെന്നാവശ്യപ്പെട്ട് സംസ്ഥാന സർക്കാർ ഹൈക്കോടതിയെ സമീപിച്ചു.
വ്യാഴാഴ്‌ച ചേർന്ന സർവകക്ഷി യോഗത്തിന് ശേഷമാണ് ഈ വിഷയത്തിൽ സംസ്ഥാന സർക്കാർ നിയമപരമായ നീക്കത്തിലേക്ക് കടന്നത്. വിമാനത്താവളം അദാനി ഗ്രൂപ്പിന് കൈമാറാനുള്ള കേന്ദ്രസർക്കാർ നടപടി പൂർണമായി സ്റ്റേ ചെയ്യണമെന്നാണ് സർക്കാരിന്റെ ആവശ്യം.
സർക്കാരിന്റെ ഭാഗത്തുനിന്ന് നേരത്തെ തന്നെ വിമാനത്താവളം കൈമാറുന്നതിനെതിരെ രാഷ്ട്രീയപരമായ നീക്കം ഉണ്ടായിരുന്നു. ഇതിന്റെ ഭാഗമായാണ് സർവ്വകക്ഷിയോഗവും തുടർന്ന് നിയമപരമായ നീക്കവും സർക്കാർ നടത്തുന്നത്.
