കേരള പോലീസ് മുന്‍ ഫുട്ബോള്‍ താരം ലിസ്റ്റന്‍ അന്തരിച്ചു  

267 0

തൃശൂര്‍: കേരള പോലീസ് മുന്‍ ഫുട്‌ബോള്‍ താരം സി.എ. ലിസ്റ്റന്‍(54) അന്തരിച്ചു. കേരള പോലീസില്‍ അസിസ്റ്റന്റ് കമാന്ററായിരുന്നു. തൃശൂരിലായിരുന്നു അന്ത്യം.

ലിസ്റ്റന്‍ തൃശൂര്‍ അളഗപ്പ സ്വദേശിയാണ്. അച്ഛന്‍ സി.ഡി. ആന്റണിയുടെ നേതൃത്വത്തിലാണ് ലിസ്റ്റന്‍ പന്തുതട്ടിത്തുടങ്ങുന്നത്. അവിടെനിന്നാരംഭിച്ച ജൈത്രയാത്ര കേരളാ പോലീസിന്റെ അഭിമാന പോരാട്ടങ്ങളില്‍ മിന്നുന്ന പ്രകടനം കാഴ്ചവെക്കാന്‍ സാധിച്ചു. ലിസ്റ്റന്റെ ഗോളിലാണ് കേരള പോലീസ് കണ്ണൂര്‍ ഫെഡറേഷന്‍ കപ്പില്‍ ജേതാക്കളായത്.

തന്റെ പന്ത്രണ്ടാം വയസ്സില്‍ തൃശൂരില്‍ ടി.കെ.ചാത്തുണ്ണിയുടെ നേതൃത്വത്തില്‍ നടന്ന ത്രിദിന ഫുട്‌ബോള്‍ ക്യാമ്പോടുകൂടിയാണ് ലിസ്റ്റന്‍ കാല്‍പ്പന്തുകളിയിലെ തന്റെ ഇടം ഉറപ്പിക്കുന്നത്. അതേ ക്യാമ്പില്‍ ലിസ്റ്റനൊപ്പം കളിക്കാന്‍ മറ്റൊരു മലയാളി അഭിമാന താരവുമുണ്ടായിരുന്നു ഐ. എം. വിജയന്‍. ഈ ക്യാമ്പില്‍ നിന്നാണ് ലിസ്റ്റന്‍ തൃശൂര്‍ ജില്ലാ ജൂനിയര്‍ ടീമില്‍ ഇടം നേടുന്നത്. സംസ്ഥാന ചാമ്പ്യന്‍ഷിപ്പില്‍ തൃശൂരിനുവേണ്ടിയും പിന്നീട് കളിക്കളത്തിലിറങ്ങി. പിന്നീട് 1985-ല്‍ കാലിക്കറ്റ് യൂണിവേഴ്സിറ്റി ടീമില്‍ അംഗമായി. പിന്നീട് മൂന്ന് വര്‍ഷം അശുതോഷ് മുഖര്‍ജി ട്രോഫി കൈയടക്കിയ കാലിക്കറ്റ് ടീമിന്റെ മുന്‍നിര സ്‌ട്രൈക്കറായിരുന്നു ലിസ്റ്റന്‍. അങ്ങനെ ഇന്ത്യന്‍ യൂണിവേഴ്‌സിറ്റി ടീമിലും അംഗമായി.

സന്തോഷ് ട്രോഫി ടീമില്‍ കളിക്കുന്നത് 1988-ലാണ്. അന്ന് കേരളം ഫൈനലില്‍ പ്രവേശിച്ചത് ലിസ്റ്റന്റെകൂടി സ്ട്രൈക്കിംഗ് മികവിലാണ്. എന്നാല്‍ അവസാനം ബംഗാളിനോട് പരാജയം ഏറ്റുവാങ്ങേണ്ടിവന്നെങ്കിലും മികച്ച പ്രകടനം കാഴ്ച്ചവെച്ച് കേരളം ശ്രദ്ധേയമായി. അക്കാലത്ത് ഇന്ത്യന്‍ അണ്ടര്‍ 22 ടീമില്‍ ഇടം നേടിയ ലിസ്റ്റന്‍ മാലദ്വീപില്‍ ഇന്ത്യന്‍ കുപ്പായണിഞ്ഞ് കളിച്ചു. കോഴിക്കോട് നാഗ്ജി ട്രോഫിയില്‍ കളിച്ച ജൂനിയര്‍ ഇന്ത്യന്‍ ടീമിലും ലിസ്റ്റണ്‍ അണിനിരന്നു.

1988-ലാണ് ഐ.എം. വിജയനു പിന്നാലെ ലിസ്റ്റനും കേരള പോലീസിലെത്തുന്നത്. വിജയന്‍, സത്യന്‍, ഷറഫലി, കെ.ടി. ചാക്കോ, തോബിയാസ് എന്നിവരടങ്ങുന്ന പോലീസ് ഫുട്‌ബോള്‍ ടീമിന്റെ സുവര്‍ണ കാലഘട്ടമായിരുന്നു അത്. കണ്ണൂര്‍ ഫെഡറേഷന്‍ കപ്പില്‍ മുംബൈ മഹീന്ദ്ര ആന്‍ഡ് മഹീന്ദ്രയെ മുട്ടുകുത്തിച്ച് പോലീസ് കിരീടമണിഞ്ഞത് കലാശപ്പോരില്‍ ലിസ്റ്റന്‍ നേടിയ ഗോളിന്റ മികവിലായിരുന്നു. 1998 വരെ പോലീസ് ടീമിന്റെ പ്രധാന സ്ട്രൈക്കര്‍മാരില്‍ ഒരാളായിരുന്നു ലിസ്റ്റന്‍.

Related Post

സാമൂഹിക മാധ്യമങ്ങളിലൂടെ ബിഷപ്പ് ഫ്രാങ്കൊ അപമാനിക്കുന്നതായി കന്യാസ്ത്രി  

Posted by - Oct 23, 2019, 02:27 pm IST 0
കോട്ടയം: ബിഷപ് ഫ്രാങ്കോ മുളയ്ക്കല്‍ സാമൂഹിക മാധ്യമങ്ങളിലൂടെ അപമാനിക്കുന്നുവെന്ന്  ബലാത്സംഗ കേസില്‍ പരാതിക്കാരിയായ കന്യാസ്ത്രി. ബിഷപ്പിനെതിരെ പരാതിയുമായി ദേശീയ, സംസ്ഥാന വനിതാ കമ്മിഷനുകളെയും മനുഷ്യാവകാശ കമ്മിഷനെയും സമീപിച്ചിരിക്കുകയാണ്…

ഇന്ദ്രൻസിന് മികച്ച നടനുള്ള അന്താരാഷ്ട്ര പുരസ്കാരം

Posted by - Sep 7, 2019, 09:29 pm IST 0
സിംഗപ്പൂർ സൗത്ത് ഏഷ്യൻ അന്താരാഷ്ട്ര ചലച്ചിത്രമേളയിൽ മികച്ച നടനുള്ള പുരസ്കാരം ഇന്ദ്രന്സിന്  ലഭിച്ചു . ഡോ. ബിജു സംവിധാനം ചെയ്ത വെയിൽമരങ്ങൾ എന്ന സിനിമയിലെ അഭിനയത്തിനാണ് ഈ…

സുരേഷ് ഗോപിക്ക് ന്യൂമോണിയയെന്ന് സംശയം, പത്തുദിവസത്തെ വിശ്രമം നിര്‍ദ്ദേശിച്ച് ഡോക്ടര്‍മാര്‍  

Posted by - Mar 14, 2021, 06:16 pm IST 0
തിരുവനന്തപുരം: സ്ഥാനാര്‍ത്ഥി പ്രഖ്യാപനം ഇന്ന് വരാനിരിക്കേ സുരേഷ് ഗോപി ചികിത്സയില്‍. ന്യൂമോണിയ ബാധയെന്ന് സംശയം. പത്ത് ദിവസത്തെ വിശ്രമമാണ് സുരേഷ് ഗോപിക്ക് ഡോക്ടര്‍മാര്‍ നിര്‍ദേശിച്ചിരിക്കുന്നത്. സുരേഷ് ഗോപി…

ടോമിൻ തച്ചങ്കരിയുടെ നേതൃത്തിൽ തോക്കുകളും വെടിയുണ്ടകളും കാണാതായ സംഭവത്തിൽ  പരിശോധന നടത്തും 

Posted by - Feb 15, 2020, 12:50 pm IST 0
തിരുവനന്തപുരം: സംസ്ഥാന പൊലീസിന്‍റെ തോക്കുകളും വെടിയുണ്ടകളും കാണാതായിട്ടുണ്ടെന്ന സിഎജി റിപ്പോര്‍ട്ട് കണ്ടെത്തലിൽ വിശദമായ അന്വേഷണം നടത്താൻ സംസ്ഥാന സർക്കാർ തീരുമാനം. തോക്കുകൾ തിങ്കളാഴ്ച ക്രൈംബ്രാഞ്ച് പരിശോധിക്കും. ടോമിൻ…

മുതിര്‍ന്ന പത്ര പ്രവര്‍ത്തകന്‍ എം.എസ്.മണി(79) അന്തരിച്ചു

Posted by - Feb 18, 2020, 10:32 am IST 0
തിരുവനന്തപുരം: മുതിര്‍ന്ന പത്ര പ്രവര്‍ത്തകന്‍ എം.എസ്.മണി(79) അന്തരിച്ചു. കേരളകൗമുദി മുന്‍ ചീഫ് എഡിറ്ററും കലാകൗമുദിയുടെ ചീഫ് എഡിറ്ററുമായിരുന്നു. ചൊവ്വാഴ്ച പുലര്‍ച്ചെ അഞ്ചുമണിയോടെ തിരുവനന്തപുരം കുമാരപുരത്തെ കലാകൗമുദി ഗാര്‍ഡന്‍സിലെ…

Leave a comment