പാലാ: പാലാ ഉപതെരഞ്ഞെടുപ്പിനോടനുബന്ധിച്ച് യുഡിഎഫ് കണ്വന്ഷന് വേദിയില് പി.ജെ. ജോസഫിന് കൂക്കിവിളി. വേദിയില് ജോസഫ് സംസാരിക്കുമ്പോഴാണ് പ്രവര്ത്തകര് കൂക്കിവിളിച്ചത്. എന്നാൽ ഇതുവകവയ്ക്കാതെ പ്രസംഗഹം തുടർന്നു . ജോസ് കെ. മാണിയുമായുള്ള അഭിപ്രായ ഭിന്നത ഉടന് പരിഹരിക്കാന് സാധിക്കുമെന്നാണു വിശ്വസിക്കുന്നതെന്നും പറഞ്ഞു.
യുഡിഎഫ് നേതാക്കളും പ്രചാരണ വേദിയില് എത്തിയിരുന്നു. ജോസഫ് പ്രസംഗിക്കാന് തുടങ്ങിയതോടെ പ്രവര്ത്തകര് പ്രകോപിതരാകുകയായിരുന്നു. ജോഫിന്റെ പ്രസംഗത്തിനിടെ കൂക്കുവിളിച്ച പ്രവര്ത്തകര് ഗോബാക്ക് മുദ്യാവാക്യവും വിളിച്ചു. താൻ യുഡിഫിനോടൊപ്പം നില്ക്കുമെന്നും യുഡിഎഫ് സ്ഥാനാര്ഥി ജോസ് ടോമിന്റെ വിജയത്തിനായി പ്രചാരണം നടത്തുമെന്നും ജോസഫ് പറഞ്ഞു. യുഡിഎഫ് സ്ഥാനാര്ഥി മികച്ച വിജയം നേടട്ടെ എന്ന് ആശംസിച്ചു കൊണ്ടാണ് ജോസഫ് പ്രസംഗം അവസാനിപ്പിച്ചത് .
