അബുദാബി: വെള്ളിയാഴ്ച പുലര്ച്ചെ കനത്ത മൂടല്മഞ്ഞാണ് യുഎഇയുടെ വിവിധ ഭാഗങ്ങളില് അനുഭവപ്പെടുന്നത്. 500 മീറ്ററില് താഴെ മാത്രമാണ് ദൂരക്കാഴ്ച സാധ്യമാവുന്നത്. അബുദാബി, ഷാര്ജ, ഉമ്മുല് ഖുവൈന്, അബുദാബി-ദുബായ് റോഡ്, അല് ദഫ്റ, അല് ശവാമീഖ് തുടങ്ങിയ പ്രദേശങ്ങളിലാണ് കനത്ത മൂടല്മഞ്ഞ്.
വാഹനങ്ങള് ഓടിക്കുന്നവര് അതീവ ജാഗ്രത പുലര്ത്തണമെന്ന് ദേശീയ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി. കുറഞ്ഞ അന്തരീക്ഷ മര്ദ്ദം കാരണം യുഎഇയുടെ വിവിധ പ്രദേശങ്ങളില് കഴിഞ്ഞ ഏതാനും ദിവസങ്ങളായി മഴ ലഭിക്കുന്നുണ്ട്.
കഴിഞ്ഞ രണ്ട് ദിവസങ്ങളിലുണ്ടായ കനത്ത മഴയില് ദുബായില് മാത്രം 110 വാഹനാപകടങ്ങള് റിപ്പോര്ട്ട് ചെയ്യപ്പെട്ടു. 3,385 പേര് പൊലീസ് സഹായം തേടിയെന്നും ദുബായ് പൊലീസ് കമാൻഡ് ആൻഡ് കണ്ട്രോള് സെന്റർ അറിയിച്ചു. അപകടങ്ങളൊന്നും ഗുരുതരമായിരുന്നില്ല.
