മദീന: മദീനയില്നിന്നും ബംഗ്ലാദേശിലെ ധാക്കയിലേക്ക് പുറപ്പെട്ട സൗദി അറേബ്യന് എയര്ലൈന്സ് വിമാനം വന് ദുരന്തത്തില്നിന്നും ഒഴിവായി. പത്ത് ജോലിക്കാരടക്കം 151 പേരായിരുന്നു വിമാനത്തിലുണ്ടായിരുന്നത്. മദീനയില്നിന്നും ബംഗ്ലാദേശിലെ ധാക്കയിലേക്കുള്ള യാത്രയിലായിരുന്നു വിമാനം. മുന്വശത്തെ ചക്രത്തിന്റെ തകരാറു കാരണം ജിദ്ദയിലേക്ക് തിരിച്ചുവിട്ട വിമാനം അതിസാഹസികമായി ലാന്റ് ചെയ്യുകയുമായിരുന്നു. ലാന്റിംഗിനിടെ തീപിടിച്ചെങ്കിലും യാത്രക്കാര്ക്ക് പരുക്കില്ല.
ഇന്നലെ രാത്രി സൗദി സമയം എട്ട് മണിക്ക് അതായത് ഇന്ത്യന് സമയം രാത്രി 12.30 നാണ് സംഭവമെന്ന് സൗദി അറേബ്യന് എയര്ലൈന്സ് കമ്പനി വക്താവ് എഞ്ചിനീയര് അബ്ദുല് റഹ്മാന് അല് തയിബ് അറിയിച്ചു.എസ്വി 3818 എന്ന വിമാനം പറന്നുയര്ന്ന ശേഷമാണ് മുന്വശത്തെ ചക്രത്തിന്റെ തകരാര് മനസ്സിലാക്കിയത്. തുടര്ന്ന് വിമാനം അടിയന്തിരമായി ജിദ്ദ കിംഗ് അബ്ദുല് അസീസ് വിമാനത്താവളത്തില് തിരിച്ചിറക്കുകയായിരുന്നു. എല്ലാ മുന്കരുതല് നടപടികളും സ്വീകരിച്ചശേഷം മൂന്നാമതും ശ്രമിച്ചാണ് ലാന്റ് ചെയ്തത്. ലാന്റ് ചെയ്ത സമയത്ത് വിമാനത്തിന്റെ ചക്രത്തിന് തീപിടിക്കുകയും ചെയ്തു.
അതേസമയം യാത്രക്കാരെല്ലാം സുരക്ഷിതരാണ്. അപകടം സംബന്ധമായി കൂടുതല് അന്വേഷണത്തിന് ബന്ധപ്പെട്ട അധികൃതര് ഉത്തരവിട്ടിട്ടുണ്ട്. എയര്ബനസ് എ 330 വിഭാഗത്തില്പെട്ടതാണ് വിമാനം. മദീനയില് നിന്നും പുറപ്പെട്ട വിമാനത്തിന്റെ മുന്വശത്തെ ചക്രത്തിന്റെ ഹൈഡ്രോളിക്ക് സംവിധാനം തകരാറിലാണെന്ന് കണ്ടതിനെ തുടര്ന്ന് ജിദ്ദ കിംഗ് അബ്ദുല് അസീസ് വിമാനത്താവളത്തിലേക്ക് തിരിച്ചുവിട്ട വിമാനം രണ്ട് തവണ ലാന്റ് ചെയ്യാന് പൈലറ്റ് ശ്രമം നടത്തിയെങ്കിലും ചക്രത്തിന്റെ തകറാറ് കാരണം ശ്രമം പരാചയപ്പെട്ടു.
