ഗ്വാട്ടിമാല; ഗ്വാട്ടിമാലയില് ഫ്യൂഗോ അഗ്നിപര്വത സ്ഫോടനത്തില് മരിച്ചവരുടെ എണ്ണം 25 ആയി. സ്ഫോടനത്തിനു പിന്നാലെ നിരവധിപേരെ കാണാതായിട്ടുണ്ടെന്ന് സുരക്ഷാ ഉദ്യോഗസഥര് അറിയിച്ചു. ഗ്വാട്ടിമാല സിറ്റിയില് നിന്നും എതാണ്ട് 40 കിലോമീറ്റര് അകലെയാണ് അഗ്നിപര്വ്വതം.
സംഭവത്തില് 100ല് അധികം പേര്ക്ക് പരിക്കേറ്റു. അഗ്നിപര്വ്വതം പൊട്ടിത്തെറിച്ചതിനു പിന്നാലെ ചാരം വീടുകളിലും മറ്റ് കെട്ടിടങ്ങളിലുമെല്ലാം പറന്നെത്തിയത് ജനജീവിതത്തെ ബാധിച്ചു. ഏഴ് നഗരസഭാ പ്രദേശങ്ങളിലേക്കാണ് ഇത്തരത്തില് ചാരമെത്തിയത്. സമീപ പ്രദേശങ്ങളില് നിന്നടക്കം 2,000 ലേറെപ്പേരെ ഒഴിപ്പിച്ചിട്ടുണ്ടെന്നാണ് വിവരം.
