ന്യൂ ഡൽഹി: രാജ്യത്ത് ആദ്യമായി ഒരു സൈനികന് കോവിഡ് വൈറസ് ബാധ സ്ഥിരീകരിച്ചു. ജമ്മുകശ്മീരിലെ ലഡാക്കില് നിന്നുള്ള കരസേന ജവാനാണ് കോവിഡ് 19 സ്ഥിരീകരിച്ചത്. സൈനികന് ഇന്ത്യന് ആര്മിയിലെ ലഡാക് സ്കൗട്ട്സിലെ ലാന്സ് നായിക് ആണെന്ന് സേനാ അധികൃതര് വ്യക്തമാക്കി. സൈനികന്റെ പിതാവ് ഇറാനില് തീര്ത്ഥാടനത്തിന് പോയിരുന്നു.
ഇദ്ദേഹം ഫെബ്രുവരി 27 നാണ് നാട്ടില് തിരിച്ചെത്തിയത്. തുടര്ന്ന് 29 ന് ഇയാളെ ലഡാക് ഹാര്ട്ട് ഫൗണ്ടേഷന് ആശുപത്രിയില് ക്വാറന്റീനില് പാര്പ്പിച്ചിരുന്നു. സൈനികന്റെ പിതാവിന് കോവിഡ് ബാധിച്ചിട്ടുണ്ടെന്ന് മുമ്പ് തന്നെ സ്ഥിരീകരിച്ചിരുന്ന പശ്ചാത്തലത്തിൽ ആയിരുന്നു ആശുപത്രിയിൽ പ്രവേശിപ്പിച്ചതുപ്രവേശിപ്പിച്ചത് . പിതാവില് നിന്നാണ് സൈനികന് കൊറോണ പകര്ന്നത്. കോവിഡ് സ്ഥിരീകരിച്ച സൈനികന് ഫെബ്രുവരി 25 മുതല് മാര്ച്ച് ഒന്നുവരെ അവധിയിലായിരുന്നു. മാര്ച്ച് രണ്ടിനാണ് തിരികെ ജോലിയില് പ്രവേശിച്ചത്.
.
