ബോളിവുഡ് താരം സോനം കപൂറിന്റെ വിവാഹ ചിത്രങ്ങള് സാമൂഹ്യമാധ്യമങ്ങളില് വൈറലായി. സ്വര്ണ നിറത്തിലുള്ള താമരപ്പൂക്കള് എംബ്രോയിഡറി ചെയ്ത ചുവന്ന ലഹംഗയാണ് സോനം കപൂര് ധരിച്ചത്. വിവാഹ വസ്ത്രത്തില് സോനം കപൂര് ഏറെ സുന്ദരിയായിട്ടുണ്ടെന്ന് ആരാധകര് പറയുന്നു. ഏറെ നാളത്തെ കാത്തിരിപ്പിനും പ്രണയത്തിനും ശേഷം കാമുകനും കുടുംബസുഹൃത്തുമായ ആനന്ദ് അഹൂജയെയാണ് സോനം കപൂര് വിവാഹം ചെയ്യുന്നത്.
മുംബൈയിലാണ് വിവാഹം നടക്കുന്നത്. അര്ജുന് കപൂറിന് ഒപ്പമാണ് സോനം വിവാഹവേദിയിലെത്തിയത്. സോനം കപൂറിന്റെ വിവാഹത്തിനായി ബോളിവുഡ് താരങ്ങള് ഒന്നടങ്കം എത്തിയിട്ടുണ്ട്. സോനം കപൂറിന്റെ അടുത്ത സുഹൃത്തുക്കളായ ജാക്വിലിന് ഫര്ണാണ്ടസ്, സ്വര ഭാസ്കര്, ബന്ധുക്കളായ ബോണി കപൂറും കുടുംബവും, കരണ് ജോഹര്, കരീന കപൂര്, കരിഷ്മ കപൂര്, സെയ്ഫ് അലി ഖാന് തുടങ്ങിയവര് പിങ്ക് വസ്ത്രങ്ങള് അണിഞ്ഞാണ് വിവാഹ വേദിയിലെത്തിയത്.
