മലയാള സിനിമയ്ക് ഇനി മാമാങ്ക മഹോത്സവം.
മലയാള സിനിമയിലെ ഏറ്റവും ചിലവേറിയ ചിത്രം മാമാങ്കം അണിയറയിൽ ഒരുങ്ങുകയാണ്. മെഗാ സ്റ്റാർ മമ്മൂട്ടി നായകൻ ആകുന്ന നാന്നൂറാമത്തെ ചിത്രം എന്ന പ്രത്യേകത കൂടി ഈ സിനിമയ്ക് ഉണ്ട്. പത്രണ്ട വർഷത്തിൽ ഒരിക്കൽ നടന്നിരുന്ന ഒരു നദീതീര ഉത്സവം ആയിരുന്നു മാമാങ്കം.ഭാരത പുഴയുടെ തീരത്ത തിരുനാവായ എന്ന സ്ഥലത്തു ആയിരുന്നു മാമാങ്കം അരങ്ങേറിയിരുന്നത്.മാഘ മാസത്തിലെ മകം നാളിലെ ഉത്സവമാണ് മാമാങ്കം ആയത്. മാമാങ്കത്തിന് പോകുന്ന ചാവേർ ആയാണ് മമ്മൂട്ടി ഈ സിനിമയിൽ വേഷമിടുന്നത്.സജീവ് പിള്ളയാണ് ചിത്രത്തിന്റെ സംവിധാനം നിർവഹിക്കുന്നത്.തുപ്പാക്കി,വിശ്വരൂപം,ബില്ല 2 തുടങ്ങിയ സിനിമകൾക്ക് സംഘട്ടനം ഒരുക്കിയ കെച്ച യാണ് മാമാങ്കത്തിന്റെ ഫൈറ്റ് മാസ്റ്റർ.ബാഹുബലി 2 വിനു വേണ്ടി വിഎഫ്എക്സ് ഒരുക്കിയ ടീം തന്നെയാണ് മാമങ്കത്തിനും വിഎഫ്എക്സ് ഒരുക്കുന്നത്.50 കോടിക്കു മുകളിൽ ചിലവേറിയ ചിത്രത്തിന്റെ നിർമാണം വേണു കുന്നപ്പിള്ളിയാണ്.പൃഥ്വിരാജിനെ വച്ച് കർണൻ നിർമിക്കാൻ ഇരുന്ന വേണു പിന്നീട് അതിൽ നിന്നും പിന്മാറുകയായിരുന്നു.അതിനു ശേഷമാണ് മാമങ്കത്തിന്റെ നിർമാണം ഏറ്റെടുക്കുന്നത്.ആറ് ഫൈറ്റുകളും അഞ്ച് ഗാനങ്ങളുമാണ് ചിത്രത്തിൽ ഉള്ളത്.മമ്മൂട്ടിയെ കൂടാതെ സൗത്ത് ഇന്ത്യയിൽ നിന്നും ഒരുപാട് വലിയ താരങ്ങൾ ചിത്രത്തിൽ അഭിനയിക്കുന്നുണ്ടെന്നാണ് സൂചന.ചരിത്ര വേഷങ്ങളിൽ എന്നും നമ്മെ വിസ്മയിപ്പിച്ചിട്ടുള്ള മമ്മൂട്ടിയുടെ മറ്റൊരു ഇതിഹാസ കഥാപാത്രമായിരിക്കും ഇത്.സാങ്കേതിക വിദ്യ കൊണ്ട് മാമാങ്കം ഒരു ദൃശ്യ വിസ്മയം ആയിരിക്കുമെന്ന് ഉറപ്പ്.
