ആലപ്പുഴ: ഹെല്മറ്റ് ധരിക്കാതെ വനിതാ മതില് പ്രചാരണം നടത്തിയ എം എല് എ യു. പ്രതിഭക്കെതിരെ പോലീസ് പിഴ ചുമത്തി. കായംകുളം പോലീസാണ് പ്രതിഭക്കെതിരെ പിഴ ചുമത്തിയത്. കായംകുളം സ്റ്റേഷനിലെത്തിയ പ്രതിഭ 100 രൂപ പിഴയടച്ചു. ഇന്ന് പത്രങ്ങളില് കണ്ട ചിത്രത്തിന്റെ അടിസ്ഥാനത്തില് നടപടി സ്വീകരിക്കാന് പോലീസ് നിര്ബന്ധിതമാകുകയായിരുന്നു. പിഴ അടച്ചതിനെ തുടര്ന്ന് കേസ് ഒഴിവാക്കി. വനിതാ മതില് പ്രചാരണത്തിന്റെ ഭാഗമായി സംഘടിപ്പിച്ച വനിതകളുടെ സ്കൂട്ടര് റാലിയിലാണ് സംഭവം.
കടപ്പാട് ; മനോരമ
