ശബരിമല: അയ്യപ്പ ദര്ശനത്തിനായി ശബരിമലയില് യുവതി എത്തിയതായി സംശയാത്തെ തുടര്ന്നു നടപ്പന്തലില് പ്രതിഷേധം. രണ്ട് സ്ത്രീകളാണ് ഇരുമുടിക്കെട്ടുമായി അയ്യപ്പ ദര്ശനത്തിനായി എത്തിയത്. ഇവര്ക്ക് 50 വയസില് മുകളില് പ്രായമില്ലെന്ന് ചൂണ്ടിക്കാട്ടിയാണ് ഇവരെ പ്രതിഷേധക്കാര് നടപ്പന്തലില് തടഞ്ഞത്.
സ്ത്രീകള് നടപ്പന്തലില്നിന്നു മടങ്ങി പോകണമെന്നായിരുന്നു ഭക്തരുടെ ആവശ്യം. ഇതോടെ പോലീസ് സ്ഥലത്തെത്തി സ്ത്രീകളുടെ പ്രായം സംബന്ധിച്ച രേഖകള് പരിശോധിച്ചു. ഇവര്ക്ക് 50 വയസിനു മുകളില് പ്രായമുണ്ടെന്ന് പോലീസ് വ്യക്തമാക്കിയെങ്കിലും ഇവരെ നടപ്പന്തലില്നിന്നു പുറത്തുകൊണ്ടു പോകണമെന്ന് പ്രതിഷേധക്കാര് ആവശ്യപ്പെട്ടു. ഇതോടെ സ്ഥലത്ത് പോലീസും പ്രതിഷേധക്കാരും തമ്മില് വാക്കേറ്റമുണ്ടായതായാണ് വിവരം.
