പമ്പ: മകരവിളക്കു തീര്ഥാടനത്തിനായി ശബരിമലനട തുറന്നു. വൈകിട്ട് 5ന് മേല്ശാന്തി വി.എന്.വാസുദേവന് നമ്ബൂതിരിയാണു നട തുറന്നത്.വൈകിട്ട് 6.20ന് ദീപാരാധനയ്ക്കു ശേഷം രാത്രി 11ന് ഹരിവരാസനത്തോടെ നടയടക്കും.
ജനുവരി പന്ത്രണ്ടിനാണ് എരുമേലി പേട്ടതുള്ളല്. തിരുവാഭരണ ഘോഷയാത്രയും അന്നേദിവസം പന്തളം വലിയ കോയിക്കല് ക്ഷേത്രത്തില് നിന്ന് പുറപ്പെടും.മകരവിളക്കു കാലത്തെ നെയ്യഭിഷേകം തിങ്കളാഴ്ച രാവിലെ 3.30ന് തന്ത്രി കണ്ഠര് രാജീവരുടെ കാര്മികത്വത്തില് ആരംഭിക്കും. എരുമേലി പേട്ടതുള്ളല് ജനുവരി 12നു നടക്കും.
തിരുവാഭരണ ഘോഷയാത്ര 12നു പന്തളം വലിയകോയിക്കല് ക്ഷേത്രത്തില്നിന്നു പുറപ്പെടും. 13നു പമ്ബ വിളക്കും പമ്ബാസദ്യയും നടക്കും. 14നാണു മകരവിളക്ക്. വൈകിട്ട് 6.30നു തിരുവാഭരണം ചാര്ത്തി ദീപാരാധനയും തുടര്ന്നു മകരജ്യോതി ദര്ശനവും.
മകരവിളക്ക് തീര്ഥാടനകാലത്ത് സുരക്ഷ ഒരുക്കുന്നതിനുള്ള പൊലീസ് സംഘത്തെയും തീരുമാനിച്ചു. സന്നിധാനത്ത് കൊല്ലം കമ്മീഷണര് പി കെ മധു, നെടുമങ്ങാട് എ എസ് പി സുജിത്ത് ദാസ്, പമ്ബയില് തിരുവനന്തപുരം ഡിസിപി ആര് ആദിത്യ , ക്രൈംബ്രാഞ്ച് എസ് പി ബി കെ പ്രകാശ് എന്നിവരും നിലയ്ക്കലില് കാസര്ഗോഡ് എസ് പി ഡോ ശ്രീനിവാസ്, വി ജി വിനോദ്കുമാര് എന്നിവരുമാണ് കണ്ട്രോളര്മാര്.
