ന്യൂഡല്ഹി: പൊതുതിരഞ്ഞെടുപ്പില് മികച്ച വിജയം നേടി അധികാരം നിലനിറുത്തിയ ബംഗ്ലാദേശ് പ്രധാനമന്ത്രി ഷെയ്ക്ക് ഹസീനയെ അഭിനന്ദിച്ച് നരേന്ദ്ര മോദി. ഷെയ്ക്ക് ഹസീനയുടെ നേതൃത്വത്തില് ബംഗ്ലാദേശ് നേടിയ ഉജ്ജ്വല വികസനങ്ങളുടെ പ്രതിഫലമാണ് തിരഞ്ഞെടുപ്പ് വിജയമെന്ന് മോദി അറിയിച്ചു.
ബംഗ്ലാദേശുമായി ചേര്ന്നുള്ള പ്രവര്ത്തനങ്ങള്ക്ക് ഇന്ത്യ പ്രതിജ്ഞാബദ്ധമാണെന്നും മോദി കൂട്ടിച്ചേര്ത്തു. ഷെയ്ക്ക് ഹസീനയുമായി നടത്തിയ ടെലിഫോണ് സംഭാഷണത്തിലാണ് മോദി അഭിനന്ദനം അറിയിച്ചത്.
തിരഞ്ഞെടുപ്പ് നടന്ന 298 സീറ്റില് 287 സീറ്റും നേടിയാണ് ഷെയ്ക്ക് ഹസീന നേതൃത്വം നല്കുന്ന അവാമി ലീഗ് അധികാരത്തില് എത്തിയത്. ഹസീനയുമായി സംസാരിച്ചതായും അഭിനന്ദനങ്ങളും പിന്തുണയും അറിയിച്ചതായും മോദി ട്വിറ്ററില് കുറിച്ചു.
