തൃശൂര്: ഗുരുവായൂരില് പൊലീസ് വാഹനത്തിന് നേരെ ആക്രമണം. മഹിളാമോര്ച്ചാ നേതാവ് സി.നിവേദിത ഉള്പ്പെടെ മൂന്ന് പേരെ പൊലീസ് അറസ്റ്റ് ചെയ്തു.
അതേസമയം ഹര്ത്താലില് പൊലീസിനെ ആക്രമിച്ച അഞ്ച് ബിജെപിക്കാര് പൊന്നാനിയില് അറസ്റ്റിലായി. കണ്ണൂരില് രണ്ട് ദിവസത്തിനിടെ അറസ്റ്റിലായത് 260 പേരാണ്. പരിയാരത്ത് പ്രവര്ത്തിക്കുന്ന ആര്എസ്എസ് കാര്യാലയമായ വിവേകാനന്ദ സേവാ കേന്ദ്രത്തിന് തീയിട്ടു. രാത്രി രണ്ട് മണിയോടെയായിരുന്നു ആക്രമണം. പെട്രോള് ഒഴിച്ച് തീവെക്കുകയായിരുന്നു. അകത്തുണ്ടായിരുന്ന ടിവിയും ഫര്ണിച്ചറും ഉള്പ്പെടെ മുഴുവനും കത്തിനശിച്ചു.
പാപ്പിനിശേരിയില് ബിജെപി അഴീക്കോട് മണ്ഡലം സെക്രട്ടറി ബിജു തുത്തിയുടെ വീടിനു നേരെയും അക്രമമുണ്ടായി. വീടിന്റെ മുഴുവന് ജനല് ചില്ലുകളും കല്ലേറില് തകര്ന്നു. ഇന്ന് പുലര്ച്ചെ മൂന്നിനാണ് കല്ലേറുണ്ടായത്.
