കോഴിക്കോട്: ചരക്ക് ലോറികള് തമ്മില് കൂട്ടിയിടിച്ച് താമരശ്ശേരി ചുരത്തില് ഗതാഗതം താറുമാറായി. ബംഗളൂരുവില് നിന്നും കോഴിക്കോട്ടേക്ക് ചരക്കുമായി വരുന്ന ലോറിയും കോഴിക്കോട് നിന്നും ബംഗളൂരുവിലേക്ക് പോകുകയായിരുന്ന ചരക്കു ലോറിയും തമ്മില് ചുരത്തിലെ ഒന്നാം വളവിനു മുകളിലില് വെച്ച് കൂട്ടിയിരിക്കുകയായിരുന്നു.
രണ്ട് ലോറികളിലെയും ഡ്രൈവര്മാര്ക്ക് സാരമായ പരിക്കേറ്റു. സ്റ്റിയറിംഗ് വീലിനുള്ളില് കുടുങ്ങിയ ഒരു ലോറിയിലെ ഡ്രൈവറെ ലോറി വെട്ടിപ്പൊളിച്ചാണ് ചുരം സംരക്ഷണ സമിതി പ്രവര്ത്തകരും നാട്ടുകാരും ചേര്ന്ന് പുറത്തെടുത്തത്. ആറരയോട് കൂടി ക്രെയിന് ഉപയോഗിച്ച് ലോറികള് രണ്ടും റോഡില് നിന്നും മാറ്റുന്നതു വരെ ചുരം വഴിയുള്ള ഗതാഗതം പൂര്ണമായും നിലച്ചിരുന്നു.
