മലപ്പുറം : ജീവിച്ചിരിക്കുന്ന ഗായിക എസ് ജാനകിക്ക് അനുശോചനം ഏര്‍പ്പെടുത്തി വിദ്യാര്‍ത്ഥി സംഘടനയായ എസ് എഫ് ഐ. മലപ്പുറം നിലമ്ബൂര്‍ ഏരിയ സമ്മേളനത്തിലെ അനുശോചന റിപ്പോര്‍ട്ടിലാണ് എസ് ജാനകിയുടെ പേര് ഉള്‍പ്പെടുത്തി എസ്‌എഫ്‌ഐ വിവാദത്തിലായത്.
കഴിഞ്ഞ വര്‍ഷം അന്തരിച്ച പ്രമുഖ വ്യക്തികള്‍ക്ക് ആദരാഞ്ജലികള്‍ അര്‍പ്പിച്ച കൂട്ടത്തിലാണ് എസ് ജാനകിയ്ക്കും അനുശോചനമറിയിച്ചത്. വേദിയില്‍ ഇരുന്നവരോ അനുശോചന പ്രമേയം തയ്യാറാക്കിയവരോ ഈ അബദ്ധം തിരിച്ചറിഞ്ഞതുമില്ല.
2017ല്‍ എസ് ജാനകി തന്റെ സംഗീത ജീവിതം അവസാനിപ്പിച്ചുവെന്ന് ഔദ്യോഗികമായി പ്രഖ്യാപിച്ചിരുന്നു. മൈസൂരില്‍ സംഘടിപ്പിച്ച ഒരു പരിപാടിക്കിടെയാണ് സംഗീത ലോകത്തിന് വിട നല്‍കുകയാണെന്ന് എസ് ജാനകി പ്രഖ്യാപിച്ചത്.
ഇതിന് പിന്നാലെ എസ് ജാനകി മരിച്ചുവെന്ന തരത്തിലുള്ള വാര്‍ത്തകള്‍ സാമൂഹികമാധ്യമങ്ങളില്‍ വന്നിരുന്നു. ഇതിന് മുന്‍പും എസ് ജാനകിയുടെ ആരോഗ്യനിലയെ സംബന്ധിച്ച്‌ തെറ്റായ പ്രചരണങ്ങള്‍ വന്നിരുന്നു.
