കന്യാകുമാരി : ശബരിമല ദര്ശനം കഴിഞ്ഞ് മടങ്ങിയ കേന്ദ്രമന്ത്രി പൊന് രാധാകൃഷ്ണന്റെ വാഹന വ്യൂഹം പമ്പയില് പൊലീസ് തടഞ്ഞതില് പ്രതിഷേധിച്ച് കന്യാകുമാരി ജില്ലയില് നാളെ ബിജെപി ഹര്ത്താല്. രാവിലെ ആറു മുതല് വൈകിട്ട് ആറു വരെയാണ് ഹര്ത്താല്. ശബരിമല തീര്ഥാടകരെ ഹര്ത്താലില് നിന്നൊഴിവാക്കിയിട്ടുണ്ട്.
കന്യാകുമാരിയില് നിന്നുള്ള എംപിയാണ് പൊന് രാധാകൃഷ്ണന്. ശബരിമല ദര്ശനം കഴിഞ്ഞ് പോയ മന്ത്രിയുടെ വാഹനവ്യൂഹത്തിലെ ഒരു വാഹനം പരിശോധനയ്ക്കായി പോലീസ് തടഞ്ഞിരുന്നു. മന്ത്രിയെ തടഞ്ഞു എന്ന രീതിയിലാണ് ആദ്യം വാര്ത്തകള് പ്രചരിച്ചത്. എന്നാല് മന്ത്രിയെ തടഞ്ഞിട്ടില്ലെന്ന് പോലീസ് വ്യക്തമാക്കിയിരുന്നു.
