മലപ്പുറം : മലപ്പുറത്ത് നിപാ വൈറസ് ബാധിച്ച് നാലുപേര് മരിച്ചു. പ്രതിരോധ പ്രവര്ത്തനങ്ങള് ഏകോപിപ്പിക്കാനായി ഡിഎംഒയുടെ നേതൃത്വത്തില് ഇന്ന് യോഗം ചേരും. മരണം നടന്ന നാല് ഇടങ്ങളിലും ആരോഗ്യ പ്രവര്ത്തകര് സര്വേ ആരംഭിച്ചിട്ടുണ്ട്. വേനല് മഴ പെയ്തതിന് ശേഷം മേലാറ്റൂര്, ചുങ്കത്തറ, തേഞ്ഞിപ്പലം ഭാഗങ്ങളില് ഡെങ്കി അടക്കമുള്ള പകര്ച്ചവ്യാധികള് റിപോര്ട്ട് ചെയ്തിട്ടുണ്ട്. പ്രതിരോധ പ്രവര്ത്തനങ്ങളുടെ ഭാഗമായി ആരോഗ്യവകുപ്പിന്റെ പനി സര്വേ തുടരുന്നതിനിടെയാണ് നാല് മരണങ്ങള് സംഭവിച്ചത്. ഈ സാഹചര്യത്തിലാണ് ഡിഎംഒസക്കീനയുടെ നേതൃത്വത്തില് ഇന്ന് യോഗം ചേരുന്നത്.
പനി ബാധിച്ച് മൂന്നു ദിവസത്തിനകം മരണം സംഭവിച്ചു എന്നതാണ് മലപ്പുറത്തെ നാല് കേസുകളിലുമുള്ള സമാനത. നിപാ വൈറസ് ബാധിച്ചതിന്റെ മറ്റു ലക്ഷണങ്ങളും കണ്ടെത്തി. മരിച്ച തെന്നല സ്വദേശിനിയുടെ രക്തസാംപിള് മണിപ്പാലിലെ വൈറോളജി ലാബില് പരിശോധനക്ക് അയച്ചിട്ടുണ്ട്. മറ്റു മൂന്നു പേരുടെ രക്തസാംപിള് പരിശോധനക്കായി ഇന്ന് അയക്കും. പ്രതിരോധ പ്രവര്ത്തനം അടക്കമുള്ള കാര്യങ്ങള്ക്കായി ആക്ഷന് പ്ലാന് യോഗം തയ്യാറാക്കും. കഴിഞ്ഞ ജനുവരിയില് തേഞ്ഞിപ്പലത്ത് രണ്ടു പേര് പനി ബാധിച്ച് മരിച്ചിരുന്നു. മണിപ്പാലില് നിന്നുള്ള സംഘം സ്ഥലത്തെത്തി പരിശോധന നടത്തിയെങ്കിലും കാരണം കണ്ടെത്താനായിരുന്നില്ല.
