തിരുവനന്തപുരം: കോട്ടയത്ത് നിന്നും ജെസ്ന മരിയ ജെയിംസ് എന്ന കോളേജ് വിദ്യാര്ത്ഥിനിയെ കാണാതായിട്ട് മൂന്ന് മാസം കഴിഞ്ഞിട്ടും പെണ്കുട്ടിയെ കുറിച്ചുള്ള യാതൊരും സൂചനയും ലഭിച്ചിട്ടില്ല. ജെസ്ന അവസാനമായി അയച്ച സന്ദേശത്തിന് പിന്നാലെയാണ് ഇപ്പോള് അന്വേഷണ സംഘം. ' ഐ ആം ഗോയിങ് ടു ഡൈ'(ഞാന് മരിക്കാന് പോകുന്നു) എന്നായിരുന്നു സുഹൃത്തിന് ജെസ്ന അയച്ച സന്ദേശം. സൈബര് പോലീസിന് ഇത് കൈമാറി.
സന്ദേശത്തെ തുടര്ന്ന് രണ്ട് സാധ്യതകളാണ് പോലീസ് പരിശോധിക്കുന്നത്. ഒന്ന് എല്ലാവരെയും സന്ദേശത്തിലൂടെ തെറ്റിധരിപ്പിച്ച് ജെസ്ന ഒളിവില് പോയതായിരിക്കണം. രണ്ട് ജീവിതം അവസാനിപ്പിക്കാന് ഉറച്ച ശേഷം അയച്ചതായിരിക്കണം സന്ദേശം. മറ്റാരെങ്കിലും ജെസ്നയുടെ ഫോണില് നിന്നും സന്ദേശം അയച്ചതാണോ എന്ന കാര്യവും പരിശോധിച്ച് വരുന്നുണ്ട്. ജെസ്നയെ കുറിച്ച് വിവരം നല്കുന്നവര്ക്ക് അഞ്ച് ലക്ഷം പാരിതോഷികം പ്രഖ്യാപിച്ചിട്ടുണ്ട്.
