തിരുവനന്തപുരം: മണ്ഡല മകരവിളക്ക് കാലത്ത് ശബരിമലയിലെത്താന് ഓണ്ലൈന്വഴി ബുക്ക് ചെയ്തത് എണ്ണൂറോളം യുവതികള്. ശബരിമല ഡിജിറ്റല് ക്രൗഡ് മാനേജ്മെന്റ് സിസ്റ്റം, കെഎസ്ആര്ടിസി ഓണ്ലൈന് ടിക്കറ്റ് ബുക്കിങ് എന്നിവയിലൂടെ ദര്ശന സമയവും ബസ് ടിക്കറ്റും ബുക്ക് ചെയ്തവരാണിവര്.
കൂടുതല് യുവതികള് ബുക്ക് ചെയ്തിരിക്കുന്നത് ആന്ധ്രയില് നിന്നാണ്. കൂടാതെ ഡല്ഹിയില്നിന്നും കൊല്ക്കത്തയില്നിന്നും യുവതികള് തിരിച്ചറിയല് രേഖകള് നല്കി ഓണ്ലൈന് ബുക്കിങ് നടത്തിയിട്ടുണ്ട്. ശബരിമലയിലെ യുവതീപ്രവേശനത്തില് പ്രതിഷേധം തുടരുന്ന സാഹചര്യത്തില് എത്രപേര് ദര്ശനത്തിനെത്തുമെന്ന് വ്യക്തമല്ല. യുവതികളുടെ കണക്കുകള് പുറത്തുവിടരുതെന്ന് കര്ശന നിര്ദേശം നല്കിയിട്ടുണ്ട്.
