രാജ്യത്തെ മുൻനിര ഓൺലൈൻ ഷോപ്പിങ് കമ്പനിയായ ആമസോൺ വീണ്ടും വൻ ഓഫർ വിൽപന തുടങ്ങി.  ഉപഭോക്താക്കൾക്ക് ഏറെ നേട്ടമുള്ള വിൽപനയാണ് ഈ ദിവസങ്ങളിൽ നടക്കുക. മാർച്ച് 25 മുതൽ 28 വരെയാണ് ആമസോണിന്റെ ഫാബ് ഫോൺസ് ഫെസ്റ്റ് നടക്കുന്നത്.

നാലു ദിവസത്തെ വിൽപനയിൽ ഡിസ്കൗണ്ടുകൾ, എക്സ്ചേഞ്ച് ഓഫറുകൾ, ഇംഎംഐ സൗകര്യങ്ങൾ എന്നിവയും ലഭ്യമാണ്. 40 ശതമാനം വരെയാണ് ഇളവ് നൽകുന്നത്. 29,999 രൂപയുടെ പാനസോണികിന്റെ എലൂഗ എക്സ്1 പ്രോ ഹാൻഡ് 50 ശതമാനം ഓഫറിൽ 14,999 രൂപയ്ക്കാണ് വിൽക്കുന്നത്.

വൺപ്ലസ്, റെഡ്മി, എംഐ, ഓണർ, റിയൽമി, വിവോ, ഒപ്പോ, സാംസങ് തുടങ്ങി ബ്രാൻഡുകളിലുള്ള ഫോണുകൾ വിൽപനയ്ക്ക് ലഭ്യമാണ്.

15,990 രൂപയ്ക്ക് അവതരിപ്പിച്ച വിവോ വൈ83 പ്രോ 11990 രൂപയ്ക്കും വാങ്ങാം. 

ഇതോടൊപ്പം ആമസോൺ പേ ബാലൻസ് ക്യാഷ്ബാക്ക് 1000 രൂപയും എസ്ബിഐ കാർഡ് ഉപയോഗിച്ചാൽ 5 ശതമാനം ക്യാഷ്ബാക്കും ലഭിക്കും. ഇതെല്ലാം കുറയ്ക്കുന്നതോടെ ഫോൺ 10,791 രൂപയ്ക്ക് വാങ്ങാം. വൺപ്ലസ് 6ടി, ഷവോമി എംഐ എ2, ഒപ്പോ എഫ്11 പ്രോ, വിവോ വി15 പ്രോ എന്നീ ഫോണുകൾക്കും വൻ ഓഫർ നൽകുന്നുണ്ട്.