കണ്ണൂര്: കോണ്ഗ്രസ് മടുത്തെന്ന് താന് പറഞ്ഞിട്ടില്ലെന്ന് പി.സി ചാക്കോയ്ക്ക് മറുപടിയുമായി കെപിസിസി വര്ക്കിങ് പ്രസിഡന്റ് കെ. സുധാകരന് എംപി. പി.സി. ചാക്കോയുടെ വാര്ത്താസമ്മേളനത്തിലെ ആരോപണങ്ങള്ക്ക് മറുപടി പറയുകയായിരുന്നു അദേഹം.
പാര്ട്ടിക്കകത്തെ പോരായ്മകള് സാധാരണയായി സംസാരിക്കാറുണ്ട്. എന്നാല് ഈ അടുത്ത ദിവസങ്ങളിലൊന്നും പി.സി. ചാക്കോയോട് സംസാരിച്ചിട്ടില്ല. ഏത് സാചര്യത്തിലാണ് ചാക്കോ ഇത്തരത്തിലൊരു പ്രസ്താവന നടത്തിയത് എന്നറിയില്ലെന്നും അദേഹം പറഞ്ഞു. പി.സി. ചാക്കോയെ പോലുള്ള ആളുകള് ഇല്ലാത്ത കാര്യം പറയരുത്. ചാക്കോ എന്സിപിയിലേക്ക് പോയത് എന്ത് പ്രതീക്ഷയിലാണെന്ന് അറിയില്ലെന്നും കെ. സുധാകരന് പറഞ്ഞു.
ഡല്ഹിയില് നടന്ന വാര്ത്താസമ്മേളനത്തിലാണ് പി.സി. ചാക്കോ കോണ്ഗ്രസിനകത്ത് സുധാകരന് അടക്കമുള്ള നേതാക്കള് അസംതൃപ്തരാണെന്ന് തുറന്നടിച്ചത്.
