Adish
കൊച്ചി: കോവിഡ് രോഗികളുടെ വിവരശേഖരണത്തിന് ഫോൺരേഖകൾക്ക് പകരം ടവർ ലൊക്കേഷൻ നോക്കിയാൽ മതിയാകുമെന്ന് ഹൈക്കോടതിയിൽ സർക്കാർ വ്യക്തമാക്കി. സിഡിആർ ശേഖരിക്കുന്നതിനെതിരെ പ്രതിപക്ഷ നേതാവ് രമേശ് ചെന്നിത്തല ഹൈക്കോടതിയെ സമീപിച്ചിരുന്നു.
ടവർ ലൊക്കേഷൻ മതിയെങ്കിൽ പ്രശ്‌നമില്ലെന്നും ഫോൺവിവരങ്ങൾ ശേഖരിക്കുന്നെണ്ടെങ്കിൽ വെള്ളിയാഴ്ച വിശദമായ സത്യവാങ്മൂലം നൽകണമെന്നും കോടതി സർക്കാരിനോട് വ്യക്തമാക്കി.
കോവിഡ് രോഗികളുടെ ഫോൺ വിവരങ്ങൾ ശേഖരിക്കുന്നത് സ്വകാര്യതയിലേക്കുള്ള കടന്നുകയറ്റമാണെന്നും, സ്വകാര്യത വ്യക്തിയുടെ മൗലീകാവകാശമാണെന്നും കോടതി വ്യക്തമാക്കിയിട്ടുണ്ട്. അതിനാൽ ഇത്തരത്തിൽ ഫോൺ രേഖകൾ ശേഖരിക്കുന്നതിനുള്ള അവകാശം പൊലീസിന് ഇല്ല, അവർ രോഗികൾ മാത്രമാണെന്നും പ്രതികളല്ലെന്നും ചെന്നിത്തല ആരോപിച്ചിരുന്നു
