അവാർഡ് നിശകളും സംഗീത വേദികളും കൊണ്ട് മുംബൈ കലാസ്വാദകർക്ക് മികച്ച വിരുന്നൊരുക്കിയ തരംഗിണി യുടെ സാരഥി ശ്രി. മണി നായർ (സുരേന്ദ്രൻ നായർ ) അന്തരിച്ചു.
മലയാള ചലച്ചിത്ര ലോകവുമായി നല്ല ബന്ധംപുലർത്തിയിരുന്ന മണി നായർ ചലച്ചിത്ര ടെലിവിഷൻ താരങ്ങളെ അണിനിരത്തി തരംഗിണി എന്ന പേരിൽ നിരവധി അവാർഡ് ഷോകളാണ് മുംബൈയിൽ നടത്തിയിട്ടുള്ളത്. പുതിയ കലാകാരന്മാർക്ക് ചലച്ചിത്ര രംഗത്തും കലാവേദികളിലും അവസരം നൽകി പ്രോത്സാഹിപ്പിക്കുന്നതിലും മുൻപന്തിയിലായിരുന്നു മണി നായർ , തരംഗിണി ഓർക്കസ്ട്രയുടെ നേതൃത്വത്തിൽ നിരവധി സംഗീത പരിപാടികളാണ് സംഘടിപ്പിച്ചിട്ടുള്ളത്
കസ്റ്റംസ് ഉദ്യോഗസ്ഥനായ ഇദ്ദേഹം ഭാര്യ ഗീതയോടൊപ്പം അന്ധേരിയിലാണ് താമസിക്കുന്നത്.തൃശ്ശൂരിലെ പുതുശ്ശേരിയിലാണ് കുടുംബ വീട് .
മണിനായർക്കു ആദരാഞ്ജലികൾ
