ന്യൂഡല്ഹി: രാജ്യത്ത് കൊറോണ വൈറസ് ബാധ സ്ഥിരീകരിച്ചവരുടെ എണ്ണം 60 ആയി. പൂനൈയില് മൂന്നു പേര്ക്ക് കൂടി കൊറോണ വൈറസ് ബാധ സ്ഥിരീകരിച്ചു. ഡല്ഹിയില് 76 പേര് വീടുകളില് നിരീക്ഷണത്തിലാണ്
കേരളത്തിൽ 6 പേർക്ക് സ്ഥിരീകരിച്ചു അതുമായി ബന്ധപ്പെട്ടവരെയെല്ലാം നിരീക്ഷണത്തിലുമാണ്.
ഇറ്റലിയില് നിന്ന് ഇന്ത്യയിലേക്ക് മടങ്ങാന് ടിക്കറ്റെടുത്ത നാൽപതോളം പേര് വിമാനത്താവളത്തില് കുടുംങ്ങിക്കിടക്കുന്നു. കൊറോണ വൈറസ് ബാധയില്ലെന്ന് സാക്ഷ്യപത്രം നല്കിയാലെ ഇന്ത്യയിലേക്ക് മടങ്ങാനാകൂവെന്ന വ്യോമയാന മന്ത്രാലയത്തിന്റ ഉത്തരവാണ് യാത്രയ്ക്ക് തടസം നേരിടുന്നത്
പത്തനംതിട്ടയില് കൊറോണ വൈറസ് ബാധ സ്ഥിരീകരിച്ചവര് യാത്ര ചെയ്ത റൂട്ട് മാപ്പ് അധികൃതര് പുറത്തുവിട്ടു. ഫെബ്രുവരി 29 മുതല് ആശുപത്രിയില് പ്രവേശിപ്പിച്ച മാര്ച്ച് ആറ് വരെയുള്ള ദിവസം യാത്ര ചെയ്ത ചാര്ട്ടാണ് പുറത്തുവിട്ടത്. പത്തനംതിട്ടയില് നിരീക്ഷണത്തിലുള്ള 24 പേരുടെ പരിശോധനാഫലങ്ങള് ഇന്ന് ലഭിക്കും. പത്തനംതിട്ടയില് ആശുപത്രിയില് ഒരു മാസം പ്രായമായ കുഞ്ഞിനേയും അമ്മയേയും കൂടി ഐസൊലേഷന് വാര്ഡിലേക്ക് മാറ്റി.രാജ്യം അതീവ ജാഗ്രതയിലാണെന്നും ആരോഗ്യവകുപ്പിന്റെ നിർദേശങ്ങളെല്ലാം എല്ലാവരും പാലിക്കണമെന്നും, കേന്ദ്ര ആരോഗ്യവകുപ്പ് അറിയിച്ചു.
