വാഷിങ്ടണ്: ഇന്ത്യയെക്കാള് അനുയോജ്യമായ സ്ഥലം ലോകത്തെവിടെയും നിക്ഷേപകര്ക്ക് കണ്ടെത്താൻ സാധിക്കുകയില്ലെന്ന് കേന്ദ്ര ധനമന്ത്രി നിര്മലാ സീതാരാമന്. ജനാധിപത്യ സൗഹൃദവും മൂലധന ഭക്തിയും നിറഞ്ഞതാണ് ഇന്ത്യയിലെ അന്തരീക്ഷമെന്നും അവര് പറഞ്ഞു.
അന്താരാഷ്ട്ര നാണയനിധി ആസ്ഥാനത്ത് അന്താരാഷ്ട്ര നിക്ഷേപകരുമായി നടത്തിയ സംവാദത്തിനിടെയായിരുന്നു മന്ത്രിയുടെ പരാമര്ശം. പരിഷ്കാരങ്ങള് നടപ്പിലാക്കാനുള്ള നിരന്തര ശ്രമത്തിലാണ് സര്ക്കാരെന്നും മന്ത്രി കൂട്ടിച്ചേര്ത്തു. യു.എസ്-ഇന്ത്യ സ്ട്രാറ്റജിക്ക് ആന്ഡ് പാര്ട്ണര്ഷിപ്പ് ഫോറവുമായി സഹകരിച്ച് ഫിക്കി(ഫെഡറേഷന് ഓഫ് ഇന്ത്യന് ചേമ്പര് ഓഫ് കൊമേഴ്സ് ആന്ഡ് ഇന്ഡസ്ട്രി)യാണ് പരിപാടി സംഘടിപ്പിച്ചത്.
