ചെന്നൈ: ജനപ്രിയ സോഷ്യൽ മീഡിയ ആപ്ലിക്കേഷനായ ടിക് ടോക്കിന് നിരോധനം കൊണ്ടുവരുന്ന കാര്യം പരിഗണിക്കണമെന്ന് കേന്ദ്രസർക്കാരിനോട് മദ്രാസ് ഹൈക്കോടതി. ടിക് ടോക്കിലൂടെ പോണോഗ്രഫി ദൃശ്യങ്ങൾ വ്യാപകമായി പ്രചരിക്കുന്നതായുള്ള പരാതികൾ ലഭിച്ച സാഹചര്യത്തിലാണ് ഹൈക്കോടതിയുടെ നടപടി. മദ്രാസ് ഹൈക്കോടതിയുടെ മധുര ബെഞ്ചിന്റേതാണ് നടപടി.
ടിക് ടോക്കിലൂടെ പോണോഗ്രഫി ദൃശ്യങ്ങൾ വ്യാപകമായി പ്രചരിക്കുന്നതായി ചൂണ്ടിക്കാട്ടി മുതിർന്ന അഭിഭാഷകനും സാമൂഹികപ്രവർത്തകനുമായ മുത്തുകുമാർ നൽകിയ ഹർജിയിലാണ് കോടതിയുടെ നടപടി. ടിക് ടോക് ആപ്ലിക്കേഷൻ ഉപയോഗിച്ചു നിർമ്മിച്ച വിഡിയോകൾ മാധ്യമങ്ങൾ സംപ്രേക്ഷണം ചെയ്യരുതെന്നും കോടതി നേരത്തേ, ഉത്തരവിട്ടിരുന്നു.
