പത്തനംതിട്ട: ശബരിമലയില് ഇതുവരെ 51 യുവതികള് കയറിയെന്ന സര്ക്കാര് സത്യവാങ്മൂലം വിശ്വസിക്കുന്നില്ലെന്ന് പന്തളം രാജകുടുംബ പ്രതിനിധി നാരായണ വര്മ്മ. സത്യവാങ്മൂലമെന്ന പേരില് സര്ക്കാര് തെറ്റായ വിവരങ്ങള് നല്കിയതാകാമെന്നും ഇത് കേസിനെ ദുര്ബലപ്പെടുത്തില്ലെന്നും നാരായണ വര്മ്മ വ്യക്തമാക്കി.
ആചാരം നിലനിര്ത്തണമെന്ന് തന്നെയാണ് ആവശ്യമെന്നും ശബരിമലയില് ഭക്തകളായ യുവതികളെ കണ്ടിട്ടില്ലെന്നും സുപ്രീം കോടതി വിധി നടപ്പിലാക്കുന്ന കാര്യത്തില് സര്ക്കാരിന് കാത്ത് നില്ക്കാമായിരുന്നുവെന്നും നാരായണ വര്മ്മ കൂട്ടിച്ചേര്ത്തു.
