മുംബൈ: ബാങ്കുകളില് നിന്ന് വായ്പയെടുത്ത് ഇന്ത്യ വിട്ട വിവാദ വ്യവസായി വിജയ് മല്യയെ പിടികിട്ടാപ്പുള്ളിയായി പ്രഖ്യാപിച്ചു. കള്ളപ്പണം വെളുപ്പിക്കല് നിരോധന നിയമപ്രകാരമുള്ള മുംബൈയിലെ പ്രത്യേക കോടതിയാണ് മല്യയെ പിടികിട്ടാപ്പുള്ളിയായി പ്രഖ്യാപിച്ചത്.
മല്യയെ പിടികിട്ടാപുള്ളിയായി പ്രഖ്യാപിക്കണമെന്ന് ആവശ്യപ്പെട്ട് എന്ഫോഴ്സ്മെന്റ് ഡയറക്ടറേറ്റാണ് കോടതിയെ സമീപിച്ചത്. പിടികിട്ടാപ്പുള്ളിയായി പ്രഖ്യാപിച്ചതോടെ ഇന്ത്യയിലുള്ള മല്യയുടെ സ്വത്തുക്കള് അന്വേഷണ ഏജന്സികള്ക്ക് കണ്ടുകെട്ടാം.
2016 മാര്ച്ചിലാണ് മല്യ രാജ്യം വിട്ടത്. എസ്.ബി..ഐ നേതൃത്വത്തിലുള്ള ബാങ്കുകളുടെ കണ്സോഷ്യത്തില് നിന്ന് 9000 കോടി രൂപ വായ്പയെടുത്താണ് മല്യ രാജ്യം വിട്ടത്. യുകെ കോടതി മല്യയെ ഇന്ത്യയിലേക്ക് നാടുകടത്താന് വിധിച്ചതിന് പിന്നാലെ വായ്പ എടുത്ത തുക മുഴുവന് തിരിച്ചടയ്ക്കാന് തയ്യാറാണ് അത് സ്വീകരിക്കണം എന്ന അഭ്യര്ഥന ട്വിറ്റിലൂടെ മല്യ നടത്തിയിരുന്നു.
