ബുക്കാറസ്റ്റ്: റൊമാനിയന്-കനേഡിയന് ഗായികയും ഗാനരചയിതാവുമായ അന്സ പോപ് (34) കാര് നദിയില്വീണ് മരിച്ച നിലയില്. റൊമാനിയയുടെ തെക്കുപടിഞ്ഞാറന് പ്രദേശത്ത് ഡാന്യൂബ് നദിയില്നിന്ന് തിങ്കളാഴ്ച മുങ്ങല് വിദഗ്ധര് മൃതദേഹം കണ്ടെത്തുകയായിരുന്നു. മരണത്തില് ദൂരുഹതയുണ്ടെന്നും അന്വേഷിക്കണമെന്നും ആവശ്യമുയര്ന്നു.
അന്സയെ കാണാനില്ലെന്ന് ഞായറാഴ്ചയാണ് സഹോദരി പോലീസില് അറിയിച്ചത്. കുടുംബക്കാരുടെ ഒത്തുകൂടലിന് അന്സ എത്തിയിരുന്നില്ല. തുടര്ന്നാണ് പോലീസ് അന്വേഷണം ആരംഭിച്ചത്.
