യുപിയില് പശുവിനെ കൊന്നെന്ന പ്രചരണത്തെ തുടര്ന്ന് അഴിച്ചുവിട്ട അക്രമങ്ങളുടെ മറവില് പൊലീസ് സ്റ്റേഷന് അക്രമിച്ച് ബുലന്ദശഹര് എസ്എെയെ കൊലപ്പെടുത്തിയ കേസില് മുഖ്യപ്രതി അറസ്റ്റില്.
പശുവിന്റെ ജഢാവശിഷ്ടം കണ്ടെത്തിയെന്ന പ്രചാരണത്തെ തുടര്ന്നായിരുന്നു അക്രമങ്ങള് അരങ്ങേറിയത്.
അക്രമങ്ങളുടെ മറവില് യോഗേഷ് രാജിന്റെ നേതൃത്വത്തിലുള്ള സംഘം പൊലീസ് സ്റ്രേഷന് അക്രമിച്ച് സുബോധ് സിംഗിനെ വെടിവച്ച് കൊലപ്പെടുത്തുകയായിരുന്നു.
പ്രദേശത്തെ ബജ്രംഗ് ദള് നേതാവ് യോഗേഷ് രാജാണ് അറസ്റ്റിലായത്. കൊലപാതകത്തിന് ശേഷം ഇയാള് ഒളിവിലായിരുന്നു.
എന്നാല് സമൂഹ മാധ്യമങ്ങളില് താന് പ്രതിയല്ലെന്ന് വിശദീകരിക്കുന്ന രീതിയില് ഇയാള് വീഡിയോ ഉള്പ്പെടെ പ്രചരിപ്പിച്ചിട്ടും ഇയാളെ അറസ്റ്റ് ചെയ്യാന് സാധിക്കാത്തത് വലിയ വിമര്ശനത്തിന് ഇടയാക്കിയിരുന്നു.
