തൃശൂര്‍: മേയര്‍ അജിത ജയരാജന്‍ രാജിവെച്ചു. ഇടത് മുന്നണിയിലെ ധാരണ പ്രകാരമാണ് മേയര്‍ രാജി വെച്ചത്. സി.പി.ഐയില്‍ നിന്നുള്ള പുതിയ മേയര്‍ ഉടന്‍ സ്ഥാനമേല്‍ക്കും. സി.പി.ഐയിലെ അജിത വിജയന്‍ അടുത്ത മേയറാകുമെന്നാണ് സൂചന.
ഞായര്‍ അവധി കണക്കിലെടുത്ത് ഇന്നലെ നടന്ന കൗണ്‍സില്‍ യോഗത്തിനൊടുവില്‍ സെക്രട്ടറി സി. കുഞ്ഞപ്പന് രാജി കത്ത് കൈമാറുകയായിരുന്നു. കൗണ്‍സില്‍ ഹാളില്‍ നടന്ന ചടങ്ങില്‍ കൗണ്‍സിലംഗങ്ങളും ജീവനക്കാരും ചേര്ന്ന് യാത്രയയപ്പ് നല്‍കി. നഗരവികസനത്തില്‍ ഒട്ടേറെ മുന്നേട്ടങ്ങള്‍ കാഴ്ചവെച്ചാണ് സ്ഥാനമൊഴിയുന്നതെന്ന് അജിത ജയരാജന്‍ പറഞ്ഞു.
