ശബരിമല തീര്ഥാടകര്ക്ക് നിലയ്ക്കലില് നിന്ന് പമ്പയിലേക്കും തിരിച്ചുമുള്ള ഇ-ടിക്കറ്റുകളുടെ കാലാവധി 48 മണിക്കൂര് മാത്രം. നിലയ്ക്കല് ബേസ് ക്യാമ്പിലെത്തുന്ന തീര്ഥാടകര്ക്ക് ഇവിടെ നിന്നും പമ്പയിലേക്കും തിരിച്ചുമുള്ള ഇ-ടിക്കറ്റുകള് എടുക്കാവുന്നതാണ്.
നിലയ്ക്കലും പമ്ബയിലും വിവിധ സ്ഥലങ്ങളില് ടിക്കറ്റ് വെന്റിംഗ് മെഷീനുകളില് നിന്നും ടിക്കറ്റുകള് ലഭിക്കും. നിലയ്ക്കല്-പമ്ബ റൂട്ടിലുള്ള കെഎസ്ആര്ടിസിയുടെ ചെയിന് സര്വീസുകളില് ഇക്കുറി കണ്ടക്ടര്മാരില്ല. ഹൈദരാബാദ് ആസ്ഥാനമായുള്ള ഐടി കമ്ബനിയാണ് വെന്റിംഗ് മെഷീന് തയാറാക്കി നല്കിയിട്ടുള്ളത്.
ഇരുനൂറോളം ടിക്കറ്റ് വെന്റിംഗ് മെഷിനുകളാണ് നിലയ്ക്കലില് എത്തിച്ചിട്ടുള്ളത്. ക്രെഡിറ്റ്, ഡെബിറ്റ് കാര്ഡുകള്, പണം എന്നിവ ഉപയോഗിച്ച് ടിക്കറ്റുകള് വാങ്ങാം.
