ആഗ്ര: . ഉത്തര്പ്രദേശിലെ ആഗ്രയില് പുതുതായി നിര്മിച്ച റോഡിനടിയില്പെട്ടു ശരീരഭാഗം അനക്കാനാവാതെ മണിക്കൂറുകളോളം കിടന്ന് മരിച്ചു. മനുഷ്യന്റെ കണ്ണില്ലാത്ത ക്രൂരതയുടെ മറ്റൊരു ഉദാഹരണമാണ് ചുട്ടുപൊള്ളുന്ന ടാറിനടിയില് വേദനയില് പിടഞ്ഞ് മരണത്തിന് കീഴടങ്ങിയ ഈ നായ. ഉത്തര്പ്രദേശ് പൊതുമരാമത്ത് വകുപ്പിന്റെ ക്രൂരതയാണ് നായയുടെ ജീവനെടുത്തത്.
ആഗ്രയിലെ ഫതേഹബാദില് ചൊവ്വാഴ്ച രാത്രിയിലാണ് മനുഷ്യ മനഃസാക്ഷിയെ മരവിപ്പിക്കുന്ന ക്രൂരത അരങ്ങേറിയത്. റോഡ് ടാറിങ് നടക്കുമ്പോള് നായക്ക് ജീവനുണ്ടായിരുന്നെന്നും നായ വേദനകൊണ്ട് ഉറക്കെ ഓരിയിട്ടിട്ടും നിര്മാണ തൊഴിലാളികള് അത് അവഗണിച്ച് ജോലി തുടരുകയായിരുന്നെന്നും സമീപവാസികള് പറഞ്ഞു.
എന്നാല് പ്രവൃത്തി നടന്നത് രാത്രിയായിരുന്നതിനാല് തൊഴിലാളികള് നായയെ കണ്ടിരുന്നില്ലെന്നാണ് അധികൃതരുടെ വിശദീകരണം. നായയുടെ പിന്കാലുകള് പൂര്ണമായും റോഡിനടിയിലായിരുന്നു. ചുട്ടുപൊള്ളുന്ന ടാര് നായയുടെ ദേഹത്ത് ചൊരിഞ്ഞുകൊണ്ടാണ് റോഡ് നിര്മാണം തകൃതിയായി നടന്നത്. ജെസിബി ഉപയോഗിച്ച് റോഡ് പൊളിച്ച് നായയെ പുറത്തെടുത്ത ശേഷം സംസ്കരിച്ചു. റോഡ് നിര്മാണ കമ്പനിക്കെതിരെ താന് പരാതി നല്കിയിട്ടുണ്ടെന്നും ഗോവിന്ദ് പരാശര് പറഞ്ഞു.
