മുംബൈ : ലൈംഗിക വിഡിയോകള്ക്ക് അടിമയായ ഇളയ സഹോദരന് സഹോദരിയെ പീഡിപ്പിച്ച് ഗർഭിണിയാക്കി. ലൈംഗിക പൂർത്തീകരണത്തിനായി സ്വന്തം സഹോദരിയെ ബലാത്സംഗം ചെയ്ത് ഗർഭിണിയാക്കിയ പതിനാലുകാരൻ നവിമുംബൈയിൽ പിടിയിലായി. നവിമുംബൈയിലെ കാമോത്തെ ഗ്രാമത്തിലാണ് രാജ്യത്തെ നടുക്കിയ സംഭവം ഉണ്ടായത്. പതിനാറുകാരിയായ സഹോദരി ഗർഭിണിയായതോടെയാണ് സംഭവം പുറംലോകം അറിഞ്ഞത്.
പ്രതിയായ കൗമാരക്കാരൻ നീലചിത്രങ്ങൾക്ക് അടിമയാണെന്നും പതിവായി സെൽഫോണിൽ നീലചിത്രങ്ങൾ കാണുന്നത് പതിവാണെന്നും പൊലീസ് പറയുന്നു. പൊലീസിന്റെ വിശദമായ ചോദ്യം ചെയ്യലിലാണ് ഇളയ സഹോദരൻ രണ്ട് മാസത്തിലേറേയായി തന്നെ ലൈംഗികമായി ഉപയോഗിക്കുന്ന കാര്യം പെൺകുട്ടി വെളിപ്പെടുത്തിയത്. കടുത്ത വയറു വേദന മൂലം പെൺകുട്ടി ഡോക്ടറെ സമീപിച്ചപ്പോഴാണ് പീഡനക്കഥ വീട്ടുകാർ അറിഞ്ഞത്. പരിശോധനയിൽ പെൺകുട്ടി രണ്ടുമാസം ഗർഭിണിയാണെന്ന് തെളിഞ്ഞതോടെ ചൈൽഡ് വെൽഫെയർ കമ്മിറ്റിയിൽ അംഗമായ ഡോക്ടർ ഉടൻ തന്നെ പൊലീസിനെ വിവരം അറിയിക്കുകയായിരുന്നു. പ്രതിയായ ആൺകുട്ടിയെ ജൂവൈനൈൽ ഹോമിലേയ്ക്ക് അയച്ചു.
