കോട്ടയം: വിദ്യാഭ്യാസ സ്ഥാപനങ്ങള്ക്ക് കലക്ടര് അവധി പ്രഖ്യാപിച്ചു. കോട്ടയം ജില്ലയിലെ ആര്പ്പൂക്കര, അയ്മനം, കുമരകം, തിരുവാര്പ്പ് പഞ്ചായത്തുകളിലെ വിദ്യാഭ്യാസ സ്ഥാപനങ്ങള്ക്കും അംഗനവാടികള്ക്കുമാണ് കലക്ടര് അവധി പ്രഖ്യാപിച്ചത്. കോഴിക്കോട് ജില്ലയിലെ തിരുവമ്പാടി, കോടഞ്ചേരി പഞ്ചായത്തുകളിലെ സ്കൂളുകള്ക്കും ഇന്ന് അവധി പ്രഖ്യാപിച്ചിട്ടുണ്ട്. ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധിയായിരിക്കും.
പ്രൊഫഷണല് കോളജ് ഒഴികെയുള്ള സ്ഥാപനങ്ങള്ക്കാണ് അവധി ബാധകമാവുക.അംഗനവാടി, എല്.പി, യു.പി, ഹൈസ്കൂള്, ഹയര്സെക്കണ്ടറി സ്കൂളുകള്ക്കാണ് കോഴിക്കോട് ജില്ലാ കലക്ടര് അവധി നല്കിയിട്ടുള്ളത്. കുട്ടനാട് താലൂക്കിലെ സ്കൂളുകള്ക്ക് ഇന്നും നാളെയും ദിവസങ്ങളില് അവധി ആയിരിക്കുമെന്ന് ആലപ്പുഴ ജില്ലാ കലക്ടര് അറിയിച്ചു.
