കച്ച് : ഗുജറാത്തിലെ കച്ചില് വ്യോമസേനയുടെ ഫൈറ്റര് ജെറ്റ് തകര്ന്ന് പൈലറ്റ് മരിച്ചു. എയര് കമാന്ഡോ ആയ സഞ്ജയ് ചൗഹാനാണ് അപകടത്തില് മരിച്ചത്. പതിവായി നടത്തുന്ന പരിശീലനപ്പറക്കലിനിടെയാണ് അപകടം. രാവിലെ 10.30 ഓടെയാണ് സംഭവം.
പ്രദേശത്ത് മേഞ്ഞ് നടന്ന കന്നുകാലികള്ക്ക് മുകളിലേക്കാണ് വിമാനം തകര്ന്ന് വീണത്. വിമാനത്തിനടിയില് പെട്ട് കന്നുകാലികളും ചത്തു. ജാംനഗറില് നിന്ന് പറന്നുയര്ന്ന വിമാനം മറെറാരു ഗ്രാമത്തില് തകര്ന്നു വീണുവെന്നാണ് റിപ്പോര്ട്ട്. സംഭവത്തെ കുറിച്ച് അന്വേഷിക്കാന് ജുഡീഷ്യല് അന്വേഷണം പ്രഖ്യാപിച്ചിട്ടുണ്ട്.
