കൊച്ചി : 10 മുതല്‍ 17 വരെ ട്രെയിന്‍ ഗതാഗതത്തില്‍ നിയന്ത്രണം. എറണാകുളം, തൃശൂര്‍ സെക്ഷനില്‍ ട്രാക്ക് അറ്റകുറ്റപണി നടക്കുന്നതിനാലാണ് 10 മുതല്‍ 17 വരെ ട്രെയിന്‍ ഗതാഗതത്തില്‍ നിയന്ത്രണമുണ്ടാകുമെന്ന് റെയില്‍വേ അധികൃതര്‍ അറിയിച്ചു.
ഓഖ – എറണാകുളം എക്‌സ്പ്രസ്, ബിക്കാനീര്‍ – കൊച്ചുവേളി, വെരാവല്‍ – തിരുവനന്തപുരം, ഹൈദരാബാദ് – കൊച്ചുവേളി സ്‌പെഷല്‍, ഗാന്ധിധാം – നാഗര്‍കോവില്‍, ഭാവ്‌നഗര്‍ – കൊച്ചുവേളി, പട്‌ന – എറണാകുളം, നിസാമുദ്ദീന്‍ – തിരുവനന്തപുരം ട്രെയിനുകള്‍ രണ്ടര മണിക്കൂറോളം പിടിച്ചിടും. മംഗളുരു – തിരുവനന്തപുരം എക്‌സ്പ്രസ് 110 മിനിറ്റും, തിരുവനന്തപുരം – മധുര അമൃത 40 മിനിറ്റും പിടിച്ചിടും. എന്നാല്‍ ചൊവ്വ, ബുധന്‍ ദിവസങ്ങളില്‍ നിയന്ത്രണമുണ്ടാവില്ല. മറ്റ് ദിവസങ്ങളില്‍ ഗുരുവായൂര്‍ ചെന്നൈ എക്‌സ്പ്രസ് രാത്രി 11.25 നായിരിക്കും ഗുരുവായൂരില്‍ നിന്നു പുറപ്പെടുക.
