ശ്രീജിത്ത് കസ്റ്റഡി മരണം 3 പോലീസുകാരുടെ അറസ്റ്റ് രേഖപ്പെടുത്തി
വരാപ്പുഴ ശ്രീജിത്ത് കസ്റ്റഡി മരണവുമായി ബന്ധപ്പെട്ട് മൂന്ന് പോലീസുകാർ അറസ്റ്റിലായി. സുമേഷ്, സന്തോഷ് ബേബി, ജിതിൻരാജ് എന്നിവരാണ് അറസ്റ്റിലായത്. ഇവർ മൂന്നുപേരും എസ്പിയുടെ റൂറൽ ടൈഗർ ഫോഴ്സിലെ പോലീസുകാരാണ്.
പോലീസ് മർദനമെറ്റാണ് ശ്രീജിത്ത് മരിച്ചതെന്ന കണ്ടെത്തലിനെ തുടർന്നാണ് ഈ മൂന്ന് പോലീസ് ഉദ്യോഗസ്ഥരെയും അറസ്റ്റ് ചെയ്തത്. ശ്രീജിത്തിന്റെ ശരീരത്തിൽ 18 മുറിവുള്ളതായി രേഖപ്പെടുത്തിയിരുന്നു. എന്നാൽ മരണ കാരണമായ ക്ഷതം എവിടെയാണ് എന്ന് ഇതുവരെയും കണ്ടെത്തിയില്ല. ഇത് കണ്ടെത്തിയാൽ മാത്രമേ ആരുടെ മർദ്ദനമേറ്റാണ് ശ്രീജിത്ത് മരിച്ചതെന്ന് കണ്ടെത്താൻ സാധിക്കുകയുള്ളു.
