ലണ്ടൻ: കൊറോണ വ്യാപന പശ്ചാത്തലത്തിൽ ഈ വർഷത്തെ വിംബിൾഡൺ ടെന്നീസ് ടൂർണമെന്റ് റദ്ദാക്കി. രണ്ടാം ലോക മഹായുദ്ധത്തിനു ശേഷം വിംബിൾഡൺ ടെന്നീസ് ടൂർണമെന്റ് റദ്ദാക്കുന്നത് ഇതാദ്യമായാണ്. ജൂൺ 29നായിരുന്നു ഗ്രാൻഡ് സ്ലാമിലെ ഏക പുൽകോർട് ടൂർണമെന്റായ വിംബിൾഡൺ ആരംഭിക്കേണ്ടിയിരുന്നത്.
2020ലെ വിംബിൾഡൺ റദ്ദു ചെയ്തതിനൊപ്പം 2021ലെ വിംബിൾഡൺ തിയതിയും പ്രഖ്യാപിച്ചിട്ടുണ്ട്. 2021 ജൂൺ 28 മുതൽ ജൂലൈ 11 വരെയാണ് ടൂർണമെന്റ് നടക്കുക. വിംബിൾഡണിന്റെ ഔദ്യോഗിക വെബ്സൈറ്റിലാണ് ഇക്കാര്യങ്ങൾ പ്രഖ്യാപിച്ചത്
