തിരുവനന്തപുരം: സര്ക്കാരിനെതിരെ വീണ്ടും പരോക്ഷ വിമര്ശനവുമായി ജേക്കബ് തോമസ് രംഗത്ത്. നികുതിപ്പണം മോഷ്ടിക്കുന്നു, കായല് കൈയേറി കെട്ടിടങ്ങള് നിര്മിക്കുന്നു, ഉറങ്ങിക്കിടക്കുന്നയാളെ വിളിച്ചുണര്ത്തിക്കൊല്ലുന്നുവെന്നും ജേക്കബ് തോമസ് പറഞ്ഞു. മുഖ്യമന്ത്രിയായിരുന്ന കെ.കരുണാകരനെ ശക്തമായി വിമര്ശിച്ചിട്ടും അഴീക്കോടിന് പരിക്കു പറ്റിയില്ല.
കണ്ണും മൂക്കും ഒഴികെ ബാക്കിയെല്ലാം വെട്ടുകൊണ്ട് വികൃതമായ അവസ്ഥയിലാണ് ഇപ്പോള് കേരളമെന്ന് അദ്ദേഹം പറഞ്ഞു. ഡോ.സുകുമാര് അഴീക്കോട് സ്മാരക ട്രസ്റ്റ് ട്രിവാഡ്രം ഹോട്ടലില് സംഘടിപ്പിച്ച അഴീക്കോട് ജയന്തി ആഘോഷത്തില് സംസാരിക്കുന്നതിനിടെയാണ് അദ്ദേഹം സര്ക്കാരിനെതിരെ പരോക്ഷ വിമര്ശനം ഉന്നയിച്ചത്. എന്നാല് അദ്ദേഹത്തിന് അര്ഹതയുണ്ടായിരുന്ന പല പദവികളും ലഭിക്കാതെ പോയെന്നും ജേക്കബ് തോമസ് പറഞ്ഞു.
