ന്യൂഡൽഹി: ലോക്സഭാ തെരഞ്ഞെടുപ്പിൽ വയനാട്ടിൽ സ്ഥാനാർഥിയാകുന്നത് സംബന്ധിച്ച് തീരുമാനം എടുത്തിട്ടില്ലെന്ന് കോൺഗ്രസ് അധ്യക്ഷൻ രാഹുൽ ഗാന്ധി. കോൺഗ്രസിലെ മുതിർന്ന നേതാക്കളോടാണ് രാഹുൽ ഇക്കാര്യം വ്യക്തമാക്കിയത്.അതേസമയം ഇന്ന് എഐസിസി അസ്ഥാനത്ത് നടത്തിയ വാർത്താസമ്മേളനത്തിൽ ഇതുസംബന്ധിച്ച് പ്രതികരിക്കാൻ രാഹുൽ തയാറായില്ല.
വയനാട് സംബന്ധിച്ച് രാഹുൽ എന്തെങ്കിലും പ്രതികരിക്കും എന്ന പ്രതീക്ഷയിലായിരുന്നു കെപിസിസി നേതൃത്വവും. ഇന്ന് സ്ഥാനാർഥിത്വം സംബന്ധിച്ച വിഷയത്തിൽ രാഹുൽ പ്രതികരിക്കുമെന്ന് നേതാക്കൾ വ്യക്തമാക്കുകയും ചെയ്തിരുന്നു. ഇതോടെ വയനാട് സംബന്ധിച്ച അനിശ്ചിതത്വം നീളുകയാണ്.
