തിരുവനന്തപുരം: ലോക്സഭാ തെരഞ്ഞെടുപ്പിൽ മത്സരിക്കുന്നതിനായി സമർപ്പിക്കപ്പെട്ട നാമനിർദേശ പത്രികകളുടെ സൂക്ഷ്മ പരിശോധന പൂർത്തിയായി. ആകെ സമർപ്പിക്കപ്പെട്ട 303 പത്രികകളിൽ 242 എണ്ണം സ്വീകരിച്ചു. ഏറ്റവും കൂടുതൽ പത്രികകൾ സമർപ്പിക്കപ്പെട്ടത് വയനാട്ടിലാണ്. 22 പേരാണ് ഇവിടെ മത്സരത്തിനുള്ളത്.
തെരഞ്ഞെടുപ്പ് ഓഫീസർ ടികാ റാം മീണയാണ് ഇക്കാര്യം വ്യക്തമാക്കിയത്. സംസ്ഥാനാത്താകെ 2,61,46,853 (രണ്ട് കോടി അറുപത്തിയൊന്ന് ലക്ഷത്തി നാൽപ്പത്താറായിരത്തി എണ്ണൂറ്റി അൻപത്തിമൂന്ന്) വോട്ടർമാരുണ്ടെന്നും 73,000 പ്രവാസി വോട്ടർമാർ ഉണ്ടെന്നും അദ്ദേഹം വ്യക്തമാക്കി. 173 ട്രാൻസ്ജെൻഡർ വോട്ടമാരാണ് ഉള്ളതെന്നും അദ്ദേഹം പറഞ്ഞു.
